medium

large

thumbnail

1536x1536

2048x2048

small

custom-size

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

core/freeform

Fiskistofa réði nýverið sex nýja eftirlitsmenn til starfa í stað eldri starfsmanna sem látið hafa af störfum. Tveir þessara nýju veiðieftirlitsmanna voru ráðnir á starfsstöð stofnunarinnar í Stykkishólmi, en það eru þeir Jón Bek og Ríkarð Ríkarðsson.

Fiskistofa er með starfsstöðvar á sex stöðum á landinu og dreifast nýju eftirlitsmennirnir á höfuðstöðvar Fiskistofu á Akureyri og á starfsstöðvarnar á Höfn í Hornafirði, í Stykkishólmi og Hafnarfirði. Veiðieftirlitið er einn veigamesti þátturinn í starfsemi Fiskistofu og eru störf veiðieftirlitsmanna í stöðugri þróun.  Starfsvettvangur veiðieftirlitsmanna er bæði á sjó og landi. Á sjó eru helstu verkefni veiðieftirlitsmanna að lengdarmæla fisk og að fylgjast með því að afladagbækur séu rétt út fylltar og í samræmi við veiðar og afla um borð. Þá gera þeir tillögur um lokanir veiðisvæða eftir því sem þurfa þykir. Á landi hafa eftirlitsmenn Fiskistofu  eftirlit með löndun, vigtun og skráningu afla í aflaskráningarkerfi Fiskistofu og fylgjast með veiðarfærum og aflasamsetningu. Þá sinna þeir eftirliti með löndunum erlendra skipa og gera úttektir á afurðum vinnsluskipa auk eftirlits með lax- og silungsveiði.

Tveir nýir veiðieftirlitsmenn í Stykkishólmi