medium

large

thumbnail

small

custom-size

Hlutur ferðaþjónustu í landsframleiðslu aldrei verið meiri

1536x1536

Veiðihús við Andakílsá að taka á sig mynd

Gary Martin gengur til liðs við Víking Ólafsvík

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

core/freeform

Nýlega kom fram í viðtali við Gunnar Guðlaugsson, forstjóra Norðuráls, í Markaðnum í Fréttablaðinu, að fyrirtækið væri reiðubúið í um 14 milljarða fjárfestingu í nýjum steypuskála álversins á Grundartanga, með það fyrir augum að auka virði framleiðslunnar. Forsendu þess sagði Gunnar jafnframt í sömu frétt að nýir samningar náist við Landsvirkjun um raforkukaup til allt að 20 ára, á sambærilegum kjörum og meðalverð til stóriðjunnar var á síðasta ári. Samkvæmt ársskýrslu Landsvirkjunar var meðalverð til stóriðjunnar um 23 dalir á megavattsstund á síðasta ári. Núverandi raforkusamningur álversins, sem tengdur er raforkuverði á Nordpool - markaðnum, rennur út árið 2021.

Telur Gunnar að hægt yrði að fara hratt af stað með verkefnið, jafnvel á næstu vikum. Það myndi hins vegar taka tvö til þrjú ár, en skapa á bilinu 80 til 90 störf á byggingartímanum og um 40 varanleg störf í álverinu á Grundartanga.

<strong>Landsvirkjun segir verðið of lágt</strong>

Fréttablaðið greindi frá því daginn eftir að viðtalið við Gunnar birtist, að Hörður Arnarson, forstjóri Landsvirkjunar, teldi raforkuverðið sem Gunnar vildi semja um vera of lágt. Sagði Hörður verðið undir kostnaðarverði, hvort heldur á Íslandi eða erlendis. En jafnframt lýsti hann Landsvirkjun reiðubúna til viðræðna við Norðurál hvenær sem er og vonaði að hugmyndir forstjóra Norðuráls um fjárfestingu í virðisaukandi álframleiðslu gengju eftir.

<strong>Skagamenn skora á ríkisstjórnina</strong>

Á fundi sínum þriðjudaginn 8. september síðastliðinn samþykkti bæjarstjórn Akraness áskorun til ríkisstjórnarinnar vegna málsins. Þar er rakinn vilji Norðuráls til 14 milljarða fjárfestingar á Grundartanga til frekari fullvinnslu afurða sinna og aukinnar verðmætasköpunar, gegn áðurnefndum forsendum. „Bæjarstjórn Akraness skorar á ríkisstjórn Íslands að nýta þetta einstaka tækifæri til þess að fylgja eftir yfirlýsingum sínum um kröftuga viðspyrnu í efnahagslífinu og vilja sínum til að ýta undir fjárfestingar fyrirtækja þegar þær bjóðast með því að lýsa yfir stuðningi við uppbyggingaráform Norðuráls,“ segir í áskorun bæjarstjórnar.

Boðar 14 milljarða fjárfestingu fáist nýir raforkusamningar