medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Sameiginlegum uppsjávarleiðangri Íslendinga, Grænlendinga, Færeyinga, Norðmanna og Dana lauk 4. ágúst síðastliðinn, en hafði þá staðið yfir frá 1. júlí. Niðurstöður leiðangursins hafa nú verið teknar saman á vef Hafrannsóknarstofnuna, en meginmarkmið hans var að meta magn uppsjávarfiska í Norðaustur-Atlantshafi að sumarlagi.

Það ber helst að nefna að vísitala lífmassa makríls var metin á 12,3 milljónir tonna, sem er 7% hækkun frá fyrra ári og mesti lífmassi sem mælst hefur frá því mælingar hófust 2007. Mestur þéttleiki mældist í miðju- og norðanverðu Atlantshafi. Hins vegar mældist 72% minna af makríl á hafsvæðinu við Ísland en árið 2019. Mest var af markíl suðaustur af landinu, ólíkt undanförnum árum þegar mestur þéttleiki hefur mælst sunnan og vestan landsins.

<strong>Meira af síld</strong>

Magn norks-íslensku síldarinnar hækkaði einnig og var vísitala lífmassans metin á 5,9 milljónir tonna. Er það 24% meira en á síðasta ári. „Þessi aukning skýrist af stórum 2016 árgangi sem er að öllum líkindum að stærstu leyti genginn nú úr Barentshafi inn í Noregshaf. Þessi árgangur, ásamt þeim frá 2013, vógu um 55% af lífmassa stofnsins,“ segir á vef Hafró.

Útbreiðsla síldarstofnsins var svipuð og undanfarin ár. Eldri hluti hans var í mestum þéttleika norður af Færeyjum, fyrir austan og norðan Ísland, en yngri síldin í norðausturhluta Noregshafs.

<strong>Minna af kolmunna</strong>

Áhersla var lögð á að ná yfir allt útbreiðslusvæði kolmunna og meta stærð þess stofns. Vísitala stofnstærðarinnar var metin 1,8 milljónir tonna, sem er 11% minna en árið 2019. Kolmunni fannst víðast hvar á rannsóknarsvæðinu, nema í köldum sjó við Austur-Grænland og í Austur-Íslandsstraumnum milli Íslands og Jan Mayen, sem og fyrir vestan og sunnan Ísland. Undan Íslandsströndum mældist mest af kolmunna suðaustan og austan við landið, en ólíkt fyrri árum varð ekki vart við kolmunna við landgrunnsbrúnina sunnan við Ísland.

Makríllinn langt frá miðunum