medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Félagið Garðyrkjuskóli Íslands hefur verið stofnað. Að því stendur fagfólk í garðyrkju sem hefur flest verið eða er í forsvari fyrir hagsmunafélög greinarinnar, að því er fram kemur í tilkynningu frá félaginu. Tilgangur þess er að standa að faglegri og vandraðri fræðslu á sviði garðyrkju og tengdra greina. Ætlunin er að halda félagsfund og bjóða starfandi garðyrkjufólki til þátttöku í félaginu, þegar aðstæður leyfa.

Áhersla félagsins er að fræðsla og formleg menntun í garðyrkju verði í sem bestu samstarfi við atvinnulífið og starfandi aðila í greininni. Markmiðið með fræðslu og menntun skuli vera að búa nemendur sem best undir fjölbreytt störf á sviði garðyrkju og tengdra greina, nú eða áframhaldandi nám. Jafnframt miði starfsemi félagsins, fræðslan og námið að því að efla almennan áhuga, þekkingu og þátttöku í ræktun og skyldri starfsemi.

Forsvarsfólk félagsins hefur óskað eftir viðræðum við menntamálaráðherra með það fyrir augum að leita samninga um grunnnám í garðyrkju, með svipuðu sniði og gert hefur verið fyrir nám á framhaldsskólastigi svo sem í Kvikmyndaskóla Íslands, Ljósmyndaskóla Íslands, Fisktækniskóla Íslands og Tækniskóla Íslands.

Landbúnaðarháskóli Íslands varð til árið 2005 þegar Garðyrkjuskóli ríkisins var sameinaður Landbúnaðarháskólanum á Hvanneyri. Frá þeim tíma hefur þriggja ára nám í garðyrkjufræðum verið kennt við LbhÍ á framhaldsskólastigi, að Reykjum í Ölfusi.

Garðyrkjuskóli Íslands stofnaður