medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Þann 1. ágúst tók Margrét Jónsdóttir Njarðvík formlega við sem rektor Háskólans á Bifröst. Margrét þekkir vel til í Borgarfirðinum, hún er ættuð frá Fljótstungu í Hvítársíðu og var alla æskuna í sveit að Húsafelli. Síðsumars flutti hún að Bifröst og aðspurð segist hún full tilhlökkunar að takast á við að halda áfram að byggja upp sterkt háskólanám í Norðurárdalnum. Mikilvægt sé að byggja upp staðinn, fjölga þurfi íbúum og styrkja þannig stoðir samfélagsins. Þó nokkrar mannabreytingar hafa orðið síðustu misserin á Bifröst. Margrét leggur áherslu á að starfsstöð skólans sé í Norðuárdal og áhersla sé lögð á að nýir starfsmenn búi á staðnum eða í nærliggjandi sveitum.

Síðustu nýráðningar eru í anda þeirrar stefnu sem Margrét hefur boðað, en á dögunum voru þær Halldóra Lóa Þorvaldsdóttir frá Brekkukoti í Reykholtsdal og Þorbjörg Valdís Kristjánsdóttir frá Laxholti ráðnar í stjórnunarstöður við skólann. Þorbjörg var ráðin sem alþjóðafulltrúi en hún hefur m.a. gegnt samskonar stöðu við Landbúnaðarháskólann á Hvanneyri. Halldóra var ráðin kennslustjóri en hún gegndi áður stöðu námsráðgjafa við skólann.

Margrét áréttar í samtali við Skessuhorn mikilvægi þess að efla þurfi samband Háskólans á Bifröst við nærumhverfi sitt. Fleiri starfsmenn verði ráðnir á næstunni og henni finnst gleðilegt að fjölgun hafi orðið í hópi þeirra starfsmanna sem búi á staðnum. Fjölga þurfi verkefnum skólans og hann þurfi áfram að vera hornsteinn í héraði. Því sé það skólanum mikilvægt að rækta vel nærumhverfi sitt. Bifröst þurfi að efla og því sé dýrmætt að fá til starfa svo reynslumiklar konur sem í ofanálag þekki vel til í sveitarfélaginu.

Sem lið í því að tengja skólann betur við nærumhverfi sitt hyggst Margrét endurvekja jólaboðin sem voru fastir liðir í skólastjóratíð Guðmundar Sveinssonar skólastjóra en á þau var öllum íbúum Norðurárdals boðið. Nú standi til að bjóða enn fleirum, en stefnt sé að því að bjóða öllum íbúum dalsins og nærliggjandi sveitum í jólaboð á aðventunni.

Borgfirskar konur í stjórnunarstöður á Bifröst