medium

large

thumbnail

1536x1536

small

custom-size

Skallagrímur tapaði naumlega fyrir Þór

2048x2048

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

core/freeform

Beiðni Knattspyrnusambands Íslands um undanþágu frá nándartakmörkunum og sótthreinsun búnaðar í æfingum og keppni í knattspyrnu hefur verið hafnað. Því hefur mótanefnd KSÍ ákveðið að fresta öllum leikjum í meistaraflokkum, sem og í 2. og 3. flokki karla og kvenna, til og með fimmtudeginum 13. ágúst. „Knattspyrnuleikir eru í eðli sínu þannig að ekki er unnt að viðhalda tveggja metra nálægðarmörkum, þrátt fyrir þær reglur sem KSÍ hefur lagt fram um sóttvarnir vegna Covid-19,“ segir meðal annars í rökstuðningi heilbrigðisráðuneytisins með synjun beiðninnar. Í ljósi þess og með vísan til þess að íþróttaviðburðir falli ekki undir undanþáguákvæði er beiðni KSÍ um undanþágu hafnað.

Takmarkanir heilbrigðisyfirvalda ná eingöngu til þeirra sem eru fæddir 2004 og fyrr. Verður leikjum í 4. og 5. flokki karla og kvenna því ekki frestað. „Foreldrar og aðrir aðstandendur leikmanna í þessum flokkum eru hvattir til að gæta ítrustu varkárni í öllum samskiptum og forðast að safnast saman í tengslum við æfingar og leiki þessara flokka,“ segir í tilkynningu á vef KSÍ. Þar kemur einnig fram að sambandið muni vinna áfram með heilbrigðisyfirvöldum að því að ná tökum á Covid-19 faraldrinum og hvetji alla til að standa saman í því að fara eftir sóttvarnarleiðbeiningum. Sérstaklega hvetur KSÍ leikmenn til að gæta sín í öllum samskiptum við aðra og forðast fjölmenna staði. „Leikmenn eru fyrirmyndir og gríðarlega mikilvægt á þessum tímum að það hlutverk sé tekið alvarlega og að gengið sé á undan með góðu fordæmi. Með samstilltu átaki allrar knattspyrnuhreyfingarinnar getum við látið gott af okkur leiða í baráttunni við Covid-19 og þannig aukum við líkurnar á að hægt sé að koma iðkun knattspyrnu í eðlilegt horf á nýjan leik,“ segir á vef KSÍ.

Fótboltanum frestað til fimmtudags