Viðurkenning EarthCheck endurnýjuð

Nýverið hlutu sveitarfélögin á Snæfellsnesi framlengingu á umhverfisvottun EarthCheck fyrir starfsemi sína. Vottunin hefur nú verið endurnýjuð árlega frá 2008. Sveitarfélögin tóku sameiginlega ákvörðun um aldamótin að standa vörð um umhverfið og hófu að gera umbætur í starfsemi sinni og miðla fræðslu til íbúa. Árið 2003 hófu þau ásamt Þjóðgarðinum Snæfellsjökli, umfangsmikla undirbúningsvinnu að umhverfisvottun EarthCheck samtakanna fyrir lausnamiðað starf og sjálfbærari frammistöðu í umhverfis- og samfélagsmálum. Árið 2008 hlaut Snæfellsnes loks umhverfisvottun við hátíðlega athöfn. Áfanginn vakti verskuldaða athygli innan lands sem utan þar sem sveitarfélögin á Snæfellsnesi voru þau fyrstu í Evrópu til þess að hljóta slíka vottun og fjórða samfélagið í heiminum öllum. Til þess að viðhalda vottuninni er stöðugra úrbóta krafist í umhverfis- og samfélagsmálum og árlega er svæðið tekið út af óháðum aðila vegna endurnýjunar á vottuninni.

Líkar þetta

Fleiri fréttir