Landsmenn voru á faraldsfæti um helgina
Um helgina var prýðilegt sumarveður hvarvetna um vestanvert landið. Jafnan er fyrsta helgin í júlí ein stærsta ferðahelgi ársins og greinilegt að margir nýttu sér góða veðrið og þá aðstöðu sem víða er búið að byggja upp. Hér er horft yfir tjaldsvæðið í Stykkishólmi en þar eins og víðar var fjöldi fólks saman kominn yfir helgina.
Þegar líður á daginn má búast við þéttri umferð bíla og ferðavagna um þjóðvegina. Er ástæða til að hvetja ferðalanga til að sýna aðgæslu í umferðinni og taka góðan tíma til ferðarinnar.
