medium

large

thumbnail

small

custom-size

Ísak Birkir Íslandsmeistari í keilu

1536x1536

Fótboltaspurningar 2024 komin út

Sundfólk frá ÍA stóð sig vel

2048x2048

Freyja Rós fékk hvatningarverðlaun Dags gegn einelti

Stækkun gassöfnunarkerfis í Fíflholtum – Skref í átt að grænni framtíð

Naumt tap Snæfells á móti Þór Akureyri

core/freeform

Líkt og hvert undanfarin ár verður bæjarhátíðin Írskir dagar haldin á Akranesi fyrstu helgina í júlí. Hátíðin verður með breyttu sniði vegna Covid-19 og ýmis hagræðing og breytingar gerðar á dagskrá til að gæta að öryggi íbúa og gesta. „Við verðum með dagskrána víðar um bæinn til að dreifa fjöldanum eins og kostur er. Dagskráin verður að vanda mikið miðuð út frá börnum og unglingum,“ segir Fríða Kristín Markúsdóttir, viðburðastjóri Akraneskaupstaðar í samtali við Skessuhorn.

„Fjölmennustu viðburðirnir verða felldir niður. Brekkusöngnum verður að vísu streymt svo fólk getur notið hans. Götugrillin verða á sínum stað og hvetjum við alla til að skrá sitt grill til að fá óvænta gesti í heimsókn. Einnig verða verðlaun fyrir mest skreyttu götuna eins og í fyrra. Ég hvet auðvitað íbúa við göturnar til að sameinast, skrá sínar götur og njóta þess að eiga góða stund saman. Hægt er að skrá sína götu á <a href="mailto:irskirdagar@akranes.is">irskirdagar@akranes.is</a>. Margt annað er í boði og ættu flestir að finna eitthvað við sitt hæfi,“ bætir Fríða við en sjá má dagskrána í blaðinu í dag.

Fríða segir að gott sé að hafa ýmis atriði í huga þegar kemur að Írskum dögum, sérstaklega í ljósi aðstæðna í samfélaginu. „Það þurfa allir að huga að persónulegum sóttvörnum og huga að því að gefa þeim sem það vilja, tveggja metra svigrúm. Við þurfum líka að muna eftir því að hafa gaman og njóta þess sem við getum á þessum tímum,“ útskýrir Fríða og bætir jafnframt við: „Ég hvet fólk til að kynna sér dagskrána á Facebooksíðu Írskra daga og skagalif.is og minni á að dagskráin gæti breyst með stuttum fyrirvara vegna aðstæðna.“

Írskir Dagar um næstu helgi á Akranesi