medium

large

thumbnail

1536x1536

2048x2048

small

custom-size

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

Þúsund tonnum bætt við strandveiðikvótann

core/freeform

Smitum af Covid-19 hefur verið að fjölga að nýju frá því landið var opnað fyrir ferðalög 15. júní síðastliðinn. Staðfest smit á landinu eru nú 12 og 415 eru í sóttkví. Á Vesturlandi eru sjö í sóttkví samkvæmt tölum frá Lögreglunni á Vesturlandi í dag; fimm á Akranesi, einn í Borgarnesi og einn í Stykkishólmi. Lögreglustjórar og aðrir yfirmenn hjá lögregluembættum landsins funduðu um stöðuna með sóttvarnalækni, almannavörnum og heilsugæslunni í morgun. „Við höfum áhyggjur af því að fólk sé að slaka á sóttvörnum,“ segir Ásmundur Kr. Ásmundsson aðstoðaryfirlögregluþjónn í samtali við Skessuhorn. Sumrinu fylgja viðburðir þar sem fjölmenni kemur saman. Segir Ásmundur lögregluna hafa áhyggjur af smitvörnum þegar kemur að bæjarhátíðum, íþróttaviðburðum og öðrum fjölmennum samkomum. Minnir hann á að enn eru í gildi 500 manna samkomutakmarkanir.

<strong>Hreinlæti besta vörnin</strong>

Um næstu helgi verða m.a. Írskir dagar á Akranesi og bæjarhátíðin Heim í Búðardal, þar sem alla jafnan kemur saman fjöldi fólks. Vill Lögreglan á Vesturlandi minna alla á að gæta vel að persónulegu hreinlæti og sóttvörnum. „Þó svo að ekki verði brekkusöngur eða ball á Írskum dögum verða aðrir viðburðir þar sem margir koma saman, hverfasamkomur og skemmtanir í heimahúsum. Við verðum með aukinn mannskap þessa helgi og sérsveitin verður okkur innan handar. En við sjáum að fólk er farið að slaka mikið á hvað varðar persónulegt hreinlæti og viljum við minna alla á að gleyma sér ekki. Veiran er greinilega ekki farin og besta vörnin er að þvo hendur, spritta og hugsa vel hvern er verið að faðma,“ segir Ásmundur.

Covid-19 tekur sig upp að nýju