medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

Tvö tilfelli hafa nú verið staðfest innanlands af COVID-19, samkvæmt upplýsingum frá almannavarnadeild ríkislögreglustjóra nú í hádeginu. Í morgun greindist annað tilfelli sem talið er að tengist því sem staðfest var í gær. Var það hjá starfsmanni í atvinnuvegaráðuneytinu og hafa samstarfsfélagar viðkomandi farið í sóttkví. Fyrra tilfellið er upprunnið erlendis en um er að ræða íslenska konu sem leikur með Breiðabliki í úrvalsdeildinni í knattspyrnu. Er þetta fyrsta innanlandssmitið síðan um miðjan maí. Áætlað er að yfir 200 manns þurfi að fara í sóttkví vegna þessara tveggja einstaklinga. Unnið er að smitrakningu og er málið meðhöndlað sem hugsanleg hópsýking á höfuðborgarsvæðinu. Þá er samkvæmt heimildum Skessuhorns grunur um smitaðan leikmann í knattspyrnuliði Selfoss, en Breiðablik lék gegn því liði 18. júní sl. Vefurinn 433.is greinir frá þeim grunsemdum. Þá lék Breiðablik við KR 23. júní síðastliðinn.

„Unnið er samkvæmt sams konar verklagi og gert var þegar hópsýkingar áttu sér stað í Vestmannaeyjum, Bolungarvík og á Hvammstanga. Í undirbúningi er skimun á mjög stórum hópi fólks sem tengist málinu í samstarfi við heilsugæslu höfuðborgarsvæðisins og Íslenska erfðagreiningu,“ segir í tilkynningu frá almannavarnadeild ríkislögreglustjóra.

„Almannavarnir brýna fyrir almenningi að huga að einstaklingsbundnum smitvörnum og ítreka tilmæli til þeirra Íslendinga sem koma frá útlöndum að fara með gát fyrst um sinn, jafnvel þótt sýnataka hafi verið neikvæð í landamæraskimun. Áréttað er að krafa um sóttkví í 14 daga heldur gildi sínu óháð niðurstöðu ef farið er í sýnatöku á meðan á sóttkví stendur.“

Tvö staðfest smit Covid-19 og fjölmargir á leið í sóttkví