Um helgina lauk Meistaradeildinni í hestaíþróttum eftir frekar óvenjulegar vetur vegna Covid. Jakob Svavar Sigurðsson úr hmf. Dreyra var með nokkuð örugga forystu fyrir lokakvöld mótsins og náði hann að halda henni og er því Meistarinn 2020. Jakob hlaut 48,5 stig. Þetta er annað árið í röð sem hann sigrar í deildinni. Í öðru sæti varð Viðar Ingólfsson með 35 stig og í því þriðja var Konráð Valur Sveinsson með 28 stig.

Keppni í fimi á Íslandsmóti barna og unglinga í hestaíþróttum fór fram á Brávöllum á Selfossi um liðna helgi. Í fimi barna og ungmenna fór leikar þannig að í unglingaflokki bar sigur úr býtum Védís Huld Sigurðardóttir á Hrafnfaxa frá Skeggsstöðum. Hún keppti fyrir hestamannafélagið Sleipni. Kolbrún Katla Halldórsdóttir úr hmf. Borgfirðingi varð í fjórða sæti á Kolfreyja frá Snartartungu. Harpa Dögg Bergmann Heiðarsdóttir úr hmf. Snæfellingi var sjötta í unglingaflokki á Flugsvin frá Grundarfirði.

Í barnaflokki varð Íslandsmeistari Kristín Eir Hauksdóttir Holaker á Ísar frá Skáney sem keppti fyrir hmf. Borgfirðing. Höfðu Kristín Eir og Ísar mikla yfirburði á næstu keppendur.

Jakob S Sigurðsson er Meistarinn 2020.

Kristín Eir og Ísar sigurvegarar í fimi – Jakob Svavar er Meistarinn