medium

large

thumbnail

1536x1536

2048x2048

small

custom-size

Baráttukveðjur á 1. maí

Þrír styrkir á Vesturland úr Framkvæmdasjóði ferðamannastaða

Hvetja til að einfalda lífið með snjallverslun

Tillaga að nýju húsnæði á Hvanneyri fyrir slökkvilið

Glerbrot fannst í HaPP súpu sem seld er í Krónunni

Dagforeldri á Akranesi og skipuleggur barnahátíð í Hafnarfirði

core/freeform

Brynjólfur Ottesen, bóndi á Ytra-Hólmi í Hvalfjarðarsveit, var líklega með fyrstu bændum til að hefja slátt á Vesturlandi þetta sumarið. Hann festi sláttuvélina aftan í traktorinn í gær og hóf að fella gras á jörðinni. Hann ætlar þó ekki að halda slætti áfram í bili, kvaðst bara hafa verið að hreinsa aðeins í kringum bæinn, enda sprettan ekki ýkja mikil enn sem komið er. Enn er lambfé í túnum á Ytra-Hólmi, en Brynjólfur reiknar með að ám og afkvæmum þeirra verði til fjalls um og eftir miðjan mánuðinn. Hann á síðan von á að hefja heyskap af fullum krafti í kringum mánaðamótin og kveðst bjartsýnn á gott heyskaparsumar.

Hann þarf enda nokkuð af heyi til að fóðra ærnar, en á Ytra-Hólmi eru um sex hundruð fjár. Ytra-Hólmsbændur þurfa þó ekki að kvíða því að verða heylausir, eiga enn töluverðan afgang frá síðasta sumri, sem var bændum einstaklega hagfellt til heyskapar víðast hvar á landinu.

[gallery size="full" columns="1" ids="37435"]

Sláttur hafinn á Ytra-Hólmi