Nú í morgun var Bláfáninn dreginn að húni við Langasand á Akranesi. Bláfáninn er alþjóðlegt umhverfismerki sem veitt er smábátahöfnum, baðströndum og þjónustuaðilum í sjávarferðamennsku fyrir árangursríkt starf að umhverfismálum. Tilgangur verkefnisins er að stuðla að verndun á lífríki haf- og starndsvæða, draga úr umhverfisáhrifum, bæta öryggi og efla umhverfisvitund. Bláfáninn er þannig tákn um góða frammistöðu í umhverfismálum og bætir ímynd og ásýnd rekstraraðila þar sem hann blaktir við hún.

Er þetta áttunda árið í röð sem Bláfáninn er dreginn að húni við Langasand, sem er kaldasta Bláfánaströnd heims. Það var Sævar Freyr Þráinsson, bæjarstjóri á Akranesi, sem dró fánann að húni. Naut hann við verkið dyggrar aðstoðar leikskólabarna á Akranesi.

: Börnin aðstoða Sævar Frey Þráinsson bæjarstjóra við að koma fánanum á sinn stað. Ljósm. kgk.

: Margar hendur vinna létt verk. Ljósm. kgk.

: Sævar Freyr bæjarstjóri tekur við Bláfánavottuninni úr hendi Ragnars Þórðarsonar frá Vottunarstofunni Túni. Ljósm. kgk.

: Leikskólabörnin fjölmenntu á samkomuna og tóku lagið að athöfn lokinni. Ljósm. kgk.

: Fylgst með gangi mála. Ljósm. kgk.

Bláfáninn blaktir við Langasand