Landssamband hestamannafélaga gekkst fyrir nýstárlegri fjáröflunarleið í lok síðustu viku, svokallaðri stóðhestaveltu. Um er að ræða happdrætti þar sem vinningur kemur á alla selda miða, sem voru 100 talsins. Seldust miðarnir, sem kostuðu 40 þúsund krónur, allir upp á tveimur dögum. Í boði var folatollur undir þekkta stóðhesta sem þó er misjafnlega dýrt að leiða hryssur undir eins og gefur að skilja. Stóðhestavelta landsliðsnefndar LH er til styrktar landsliðs- og afreksmálum LH og skilar tekjum til uppbyggingar á afreksstarfinu. Þó Norðurlandamót falli niður á þessu ári er stefnan tekin með öflugt landslið á Heimsmeistaramótið í Herning í Danmörku í ágúst 2021. Dregið verður úr seldum miðum í beinni útsendingu á facebook-síðu LH miðvikudaginn 6. maí kl. 16.00 í verslun Líflands, sem er dyggur stuðningsaðili landsliðsins.

Þeir sem keyptu miða í stóðhestaveltunni hljóta toll undir einn af þessum rúmlega 100 stóðhestum:

Adrían frá Garðshorni

Arður frá Brautarholti

Arthúr frá Baldurshaga

Atlas frá Hjallanesi

Auður frá Lundum

Álfaklettur frá Syðri-Gegnishólum

Álfgrímur frá Syðri-Gegnishólum

Barði frá Laugarbökkum

Bersir frá Hægindi

Blikar frá Fossi

Blær frá Torfunesi

Bósi frá Húsavík

Bragi frá Skriðu

Bragur frá Ytra-Hóli

Brimnir frá Efri-Fitjum

Brynjar frá Bakkakoti

Dagfari frá Álfhólum

Dagur frá Hjarðartúni

Dofri frá Sauðárkróki

Dropi frá Kirkjubæ

Drumbur frá Víðivöllum fremri

Eldjárn frá Skipaskaga

Eldjárn frá Tjaldhólum

Eldur frá Bjarghúsum

Eldur frá Torfunesi

Ellert frá Baldurshaga

Elrir frá Rauðalæk

Forkur frá Breiðabólstað

Frami frá Ketilsstöðum

Frár frá Sandhól

Gangster frá Árgerði

Gljátoppur frá Miðhrauni

Glúmur frá Dallandi

Goði frá Bjarnarhöfn

Grímur frá Skógarási

Hákon frá Ragnheiðarstöðum

Heiður frá Eystra-Fróðholti

Hjörvar frá Rauðalæk

Hlekkur frá Saurbæ

Hnokki frá Eylandi

Hrafn frá Efri-Rauðalæk

Hreyfill frá Vorsabæ

Hringur frá Gunnarsstöðum

Jarl frá Árbæjarhjáleigu

Jökull frá Rauðalæk

Kaldalón frá Kollaleiru

Kastor frá Garðshorni

Kjarni frá Þjóðólfshaga

Kjerúlf frá Kollaleiru

Kjuði frá Dýrfinnustöðum

Knár frá Ytra-Vallholti

Kolbeinn frá Hrafnsholti

Korgur frá Garði

Kórall frá Lækjarbotnum

Krókus frá Dalbæ

Kvistur frá Skagaströnd

Leikur frá Vesturkoti

Lexus frá Vatnsleysu

Leynir frá Garðshorni

Ljósvaki frá Valstrýtu

Ljósvíkingur frá Steinnesi

Ljúfur frá Torfunesi

Loki frá Selfossi

Lord frá Vatnsleysu

Lukku-Láki frá Stóra-Vatnsskarði

Lýsir frá Breiðstöðum

Máfur frá Kjarri

Megas frá Seylu

Nátthrafn frá Varmalæk

Nói frá Saurbæ

Nökkvi frá Hrísakoti

Nökkvi frá Syðra-Skörðugili

Oddi frá Hafsteinsstöðum

Organisti frá Horni

Ómur frá Kvistum

Óskar frá Breiðstöðum

Pensill frá Hvolsvelli

Rammi frá Búlandi

Rjóður frá Hofi á Höfðaströnd

Roði Brúnastöðum

Rökkvi frá Rauðalæk

Safír frá Mosfellsbæ

Sigur frá Stóra-Vatnsskarði

Sirkus frá Garðshorni

Sjóður frá Kirkjubæ

Skýr frá Skálakoti

Snillingur frá Íbishóli

Sólon frá Skáney

Sproti frá Vesturkoti

Spuni frá Vesturkoti

Steggur frá Hrísdal

Stormur frá Herríðarhóli

Sær frá Bakkakoti

Sölvi frá Auðsholtshjáleigu

Tindur frá Eylandi

Tumi frá Jarðbrú

Útherji frá Blesastöðum

Vargur frá Leirubakka

Vákur frá Vatnsenda

Vegur frá Kagaðarhóli

Vökull frá Efri-Brú

Vörður frá Vindási

Þinur frá Enni

Þór frá Torfunesi

Þröstur frá Ármóti

Þröstur frá Kolsholti

Þytur frá Skáney

Örvar frá Gljúfri

Góðar viðtökur við stóðhestaveltu LH