„Ég hef verið að mála bara allt mitt líf,“ segir listakonan Darja Lane þegar Skessuhorn heyrði í henni hljóðið. Darja er fædd í Rússlandi en flutti með fjölskyldunni í Borgarnes þegar hún var sex ára, þar sem hún gekk í grunnskóla fyrstu árin, en flutti þá á Akranes þar sem hún lauk grunnskólagöngunni. Næst flutti Darja aftur í Borgarnes þar sem hún gekk í Menntaskóla Borgarfjarðar áður en hún hóf nám í Kvikmyndaskóla Íslands á tæknibraut. „Ég hef mikinn áhuga á upptökum og að gera myndbönd,“ segir Darja sem hefur verið að vinna við upptökur og ljósmyndun undanfarið, auk þess sem hún hefur tekið að sér að teikna myndir fyrir fólk. Ég hef verið að teikna portret myndir og myndir af sumarhúsum og byggingum eftir pöntunum frá fólki. Ég hef líka verið að taka myndir fyrir auglýsingar og slíkt, til dæmis myndir af sumarhúsum sem verið er að leigja út hér í Borgarfirði,“ segir Darja og bætir við að nýverið hafi hún verið að aðstoða við upptöku á þáttum sem ríkissjónvarpið í Rússlandi var að taka upp hér á landi. „Það er svona stærsta verkefnið mitt hingað til,“ segir hún ánægð.

Sjá nánar í síðasta Skessuhorni.

Landslagsmynd eftir listakonuna ungu.

Setti upp sýningu í glugganum