medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Líklega eru ekki mörg dæmi um að sami einstaklingur hafi tvisvar sinnum keypt sömu húseignina og í bæði skiptin séð eftir því. „Það er oft sagt að vítin séu til að varast þau. Það á kannski við um mig og þetta hús hér á Akranesi. En þetta fyrrum hótel og skemmtistaður hefur í tvígang orðið örlagavaldur í mínu lífi og í dag hef ég býsna háleitar hugmyndir um framtíð hússins. Ég hef því sótt um leyfi til að byggja tvær hæðir ofan á framhúsið og ætla að koma þar fyrir tólf smáíbúðum. Þá er ég núna búinn að innrétta litla íbúð fyrir mig og fjölskylduna í bakhúsinu og þangað munum við flytja næstu daga. Einnig er ég búinn að útbúa hér ríflega tvö hundruð fermetra vinnurými í bakhúsinu sem var danssalur þegar hér var síðast rekinn skemmtistaður.“

Skessuhorn tók Ragnar Guðmundsson múrarameistara og trésmið tali undir lok síðustu viku. Húsið sem um ræðir er við Bárugötu 15 á Akranesi en hjá Skagamönnum gengur það jafnan undir nafninu Breiðin, eða Hótel Akraness, eftir því hversu langt aftur menn leita í minningabankann. Húsið við Bárugötu 15 var byggt undir lok síðari heimsstyrjaldarinnar á horninu gegnt hinu þekkta kennileiti og fyrrum stóra vinnustað; fiskvinnsluhúsi HB. Á Breiðinni hefur ýmis starfsemi verið í áranna rás. Þar hefur meðal annars verið rekið trésmíðaverkstæði, byggingavöruverslun og bílaverkstæði. Lengst var þar Hótel Akranes með starfsemi en síðast skemmtistaðurinn Breiðin. Kíkt er í skúrinn til Ragnars og meðal annars rætt um ástæðu þess að hann upphaflega flutti á Akranes. Það gerðist í kjölfar gjaldþrots bankanna en þá missti Ragnar allar sínar eigur og lenti eignalega á byrjunarreit. Smám saman hefur hann með mikilli vinnu komið sér í gang að nýju.

<em>Sjá ítarlegt viðtal við Ragnar Guðmundsson í Skessuhorni sem kom út í dag.</em>

[caption id="attachment_36595" align="alignnone" width="600"]<img class="wp-image-36595 size-medium" src="https://skessuhorn.is/wp-content/uploads/2020/04/Ragnar-Guðmundsson-og-Breiðin_1-600x400.jpg" alt="" width="600" height="400" /> Ragnar Guðmundsson og Daniela DaSilva.[/caption]

Hefur áætlanir um að byggja ofan á Breiðina á Akranesi