medium

large

thumbnail

1536x1536

small

custom-size

Handbók um siðareglur ráðherra gefin út

Slökkvilið landsins sinntu 683 útköllum á fyrsta ársfjórðungi 2024

Hleðslugarður Orku náttúrunnar við Digranesgötu í Borgarnesi

Skagamenn komnir upp við vegg í körfunni

Snæfell tapaði í leik eitt gegn Tindastól

2048x2048

Magnús 60 ára í dag

core/freeform

Við lok síðasta árs féll frá á 93. aldursári Magnús Óskarsson fyrrum kennari og tilraunastjóri við Landbúnaðarháskóla Íslands. Magnús helgaði skólanum allan sinn starfsaldur og bar hag hans einatt fyrir brjósti. Nýverið kom í ljós að Magnús arfleiddi Landbúnaðarháskólann að öllum sínum eignum, en áætlað er að þær nemi um 200 milljónum króna. Frá þessu er greint í Bændablaðinu í dag, sem ræddi við Ragnheiði I Þórarinsdóttur rektor skólans af þessu tilefni. Hún segir að gjöfin sé rausnarleg og komi að góðum notum fyrir skólann. Arfinum fylgir það skilyrði að fjármunirnir verði nýttir til að styrkja og styðja við starfsemi sem tengdist störfum Magnúsar við skólann svo sem að byggja upp aðstöðu til rannsókna og kennslu á sviði jarðræktarfræða, umhverfisfræða og landnýtingar. Arfinn má einnig nota til að efla íþróttaaðstöðu við skólann eða verknámsaðstöðu á Hvanneyri.

Í minningarorðum sem Magnús B Jónsson fyrrum skólastjóri á Hvanneyri ritaði í Skessuhorn í byrjun þessa árs fór hann stuttlega yfir æviferil Magnúsar Óskarsson sem fæddur var 1927: „Magnús Óskarsson lauk búfræðiprófi frá Bændaskólanum á Hvanneyri 1950 og búfræðikandidatsprófi frá sama skóla árið 1953. Á árunum 1953-55 var hann við nám og störf í Danmörku en réðist til starfa við Bændaskólann á Hvanneyri árið 1955 og starfaði þar allan sinn starfsferil sem kennari og tilraunastjóri. Magnús var virtur og dáður kennari og með sínu hógværa fasi og látlausa viðmóti ávann hann sér virðingu nemenda og traust.

Á sviði rannsókna og tilraunastarfs naut Magnús ekki síður virðingar samferðamanna. Nákvæmni í vinnubrögðum og skilvirkni voru hans aðalsmerki. Þá var hann frumkvöðull og óragur við að prófa nýjar og áður óþekktar tegundir einkanlega á sviði matjurta.  Hann samdi kennslubækur fyrir bændaskólana og ritaði fjölda greina um jarðrækt og matjurtarækt auk þess að flytja erindi og fyrirlestra á ráðstefnum landbúnaðarins.

Auk starfa sinna við kennslu og rannsóknir var Magnús virkur á sviði félagsmála bæði fyrir samfélag sitt og á fagsviði sínu. Hann sat í hreppsnefnd Andakílshrepp um sextán ára skeið. Átti sæti í Tilraunaráði landbúnaðarins og Búfræðslunefnd um árabil auk fjölda nefnda um margvísleg málefni bæði félagsleg og fagleg. Þar eins og á sviði fræðanna naut hann virðingar og trausts. Með Magnúsi Óskarssyni er genginn einn af máttarólpum í starfssögu Bændaskólans á Hvanneyri og  frumherji í íslenskri tilrauna- og ræktunarsögu,“ skrifaði Magnús B Jónsson í minningu nafna hans Óskarssonar.

Arfleiddi Landbúnaðarháskólann að 200 milljónum króna