medium

large

thumbnail

1536x1536

2048x2048

small

custom-size

Sturluhátíð fjölsótt í blíðviðri helgarinnar

Erkifjendurnir mætast á Akranesi í kvöld

Gleði einkenndi Símamótið í Kópavogi

Jonas Gemmer nýr liðsmaður ÍA

Víkingar vann sinn leik en Kári tapaði

Samþykkti uppsetningu búnaðar til veðurmælinga vegna vindorkuvera

core/freeform

Alls voru á þriðja tug gamanmynda sendar inn í 48 stunda gamanmyndakeppnina sem Gamanmyndahátíð Flateyrar og Reykjavík Foto stóðu fyrir. Nú eru allar gamanmyndirnar í keppninni aðgengilegar á heimasíðu Gamanmyndahátíðar Flateyrar ( <a href="https://www.icelandcomedyfilmfestival.com">https://www.IcelandComedyFilmFestival.com</a> ) Þar geta landsmenn notið þess að horfa á fjölbreyttar og skemmtilegar gamanmyndir með þemanu "Heppni / Óheppni" sem voru aðeins unnar á 48 klukkustundum.  Áhorfendum gefst einnig tækifæri til að kjósa um fyndnustu gamanmyndina og hlýtur sigurvegarinn veglega Canon myndavél frá Reykjavík Foto að launum. Allir þátttakendur fá einnig hátíðararmband á Gamanmyndahátíð Flateyrar sem verður haldin í fimmta sinn í ágúst á þessu ári.

Keppendur í 48 stunda gamanmyndakeppninni voru á öllum aldri og frá öllum landshlutum. Þar má bæði sjá unga krakka stíga sín fyrstu spor í kvikmyndagerð sem og reyndari kvikmyndagerðarmenn. Öll með það að markmiði að gera gamanmynd til að létta landanum á þessum furðulegu tímum.

<em>"Þátttakan í keppninni var framar okkar björtustu væntingum og virkilega gaman að sjá hvað myndirnar eru fjölbreyttar og skemmtilegar þrátt fyrir að fylgja allar sama þemanu. Þá var einnig gaman að heyra sögurnar á bakvið myndirnar þar sem heilu fjölskyldurnar gleymdu Covid um stund og eyddu helgi saman í gamanmyndagerð," segir í tilkynningu.</em>

Kosningu um fyndunstu gamanmyndina lýkur 20. apríl og verður sigurvegarinn krýndur í kjölfarið.

Hægt er að horfa og kjósa fyndnustu myndina á eftirfarandi vefslóð:

<a href="https://www.icelandcomedyfilmfestival.com/48-stunda-gamanmyndakeppni">https://www.icelandcomedyfilmfestival.com/48-stunda-gamanmyndakeppni</a>

Hægt að horfa og kjósa um fyndnustu gamanmyndina