medium

large

thumbnail

1536x1536

2048x2048

small

custom-size

Fæstir kjósendur í Norðvesturkjördæmi

Útskriftarnemar kynntu lokaverkefni sín

Stýrivextir áfram þeir sömu

Bátur fékk í skrúfuna vestur af Akranesi

Metár að baki hjá íslenskri ferðaþjónustu

Miklar framkvæmdir og góð afkoma Snæfellsbæjar á síðasta ári

core/freeform

Innan forystu Alþýðusambands Íslands er ekki einhugur um til hvaða aðgerða á að grípa vegna þeirrar fordæmalausu stöðu sem upp er komin á vinnumarkaði vegna Covid-19 veirunnar. Forysta ASÍ hefur hafnað því að fresta hækkun launa um þessi mánaðamót, þrátt fyrir erfiðleika fyrirtækja í landinu. Þá hafa sumir verkalýðsforyngjar, þeirra á meðal Vilhjálmur Birgisson formaður VLFA og 1. varaforseti ASÍ, lagt það til að fyrirtækjum yrði boðið að lækka greiðslur í viðbótarlífeyrissparnað tímabundið úr 11,5% og niður í 8%. Vilhjálmur staðfestir í samtali við Skessuhorn að slík aðgerð myndi vega upp á móti þeim launahækkunum sem fyrirtæki taka á sig vegna samninganna nú um mánaðamótin. Hann bætir því við að slík aðgerð myndi sáralítil áhrif hafa fyrir launþega til lengri tíma. Annað forystufólk innan ASÍ vill hins vegar ekki ljá máls á því að hreyfa við lífeyrissparnaði launþega. Vilhjálmur staðfestir við Skessuhorn að þessi ágreiningur risti djúpt, en segir jafnframt að frekari tíðinda um málið sé að vænta frá honum síðar í dag.

Vilhjálmur Birgisson segir gríðarlega óvissutíma uppi í íslensku atvinnulífi, erfiðari tíma en eftir bankahrunið 2008. Hann óttast jafnframt að atvinnuleysi í vor fari upp undir 20%, ef saman er dregið uppsagnir á vinnumarkaði og tímabundið skert vinnuframlag sem stjórnvöld buðu uppá. „Því tel ég það með öllu ábyrgðarlaust á þessu stigi að forysta verkalýðshreyfingarinnar og Samtök atvinnulífsins reyni ekki snarlega að finna sameiginlega lausn til að mæta þessari fordæmalausu stöðu. Fólk verður einfaldlega að ýta til hliðar ágreiningsmálum og finna leið til að við Íslendingar getum komið standandi út úr þessu ástanda. Við þurfum því að hugsa út fyrir rammann, hvorum megin við borðið sem við sitjum. Ég hef því verið talsmaður þess að við höldum umsömdum launahækkunum eins og þær eiga að vera í dag, 1. apríl, en bjóðum í staðinn fyrirtækjum að lækka mótframlag í lífeyrissjóði úr 11,5% í 8%. Sú lækkun yrði á pari við almenna hækkun launaliðsins. Allir græða á slíkri aðgerð,“ sagði Vilhjálmur í samtali við Skessuhorn.

Ekki einhugur innan forystu ASÍ um aðgerðir