Upplesarar á lokahátíð upplestrarkeppninnar á Akranesi. Ljósm. Akraneskaupstaður.

Keppt í upplestri á Akranesi

Lokahátíð upplestrarkeppni grunnskólanna á Akranesi var haldin í Tónbergi miðvikudaginn 11. mars síðastliðinn. Þar lásu tólf nemendur úr 7. bekk Brekkubæjarskóla og Grundarskóla sögur og ljóð, sex nemendur úr hvorum skóla. Undirbúningur fyrir keppnina hófst á Degi íslenskrar tungu, 16. nóvember sl. og hafa undankeppnir verið haldnar í hvorum skóla fyrir sig.

Heiðursgestur lokahátíðarinnar að þessu sinni var Sævar Freyr Þráinsson, bæjarstjóri á Akranesi. Sagði hann keppendum frá reynslu sinni af því að tala fyrir framan hóp fólks í fyrsta skipti. Sömuleiðis ræddi hann um þær áskoranir sem börn standa frammi fyrir núna á þessum tímum og að sú reynsla myndi fylgja þeim. Nemendur við Tónlistarskóla Akraness fluttu tónlistaratriði á hátíðinni, en þeir sem fram komu eru einni nemendur í 7. bekk.

„Keppnin hefur sjaldan verið jafnari en í ár og áttu dómarar, þau Halldóra Jónsdóttir, sr. Þráinn Haraldsson og Jakbo Þór Einarsson, erfitt val fyrir höndum,“ segir á vef Akraneskaupstaðar. Að lokum fór þó svo að Fura Claxton var valin Upplesari Grundaskóla 2020 og Anna Valgerður Árnadóttir var valin Upplesari Brekkubæjarskóla 2020. Sigurvegararnir fengu að launum bók og peningagjöf. Upplesarar kvöldsins fengu allir bókagjöf, sem og þeir sem komu að undirbúningi keppninnar og allir nemendur í 7. bekk fengu viðurkenningarskjal fyrir sína þátttöku í verkefninu.

Líkar þetta

Fleiri fréttir

Nýr formaður SFS

Ólafur Marteinsson, framkvæmdastjóri Ramma á Siglufirði, hefur tekið við formennsku af Jens Garðari Helgasyni í Samtökum fyrirtækja í sjávarútvegi. Tveir... Lesa meira