Stærðfræðikeppni grunnskólanna á Vesturlandi var haldin í Fjölbrautaskóla Vesturlands á Akranesi föstudaginn 21. febrúar síðastliðinn. Keppnin var sem fyrr fyrir nemendur í 8.-10. bekk í öllum grunnskólum og grunnskóladeildum á Vesturlandi auk grunnskólanum á Hólmavík og Klébergsskóla á Kjalarnesi. Að þessu sinni voru 106 nemendur sem tóku þátt í keppninni og komu þeir frá sjö skólum eða skóladeildum; Auðarskóla í Búðardal, Brekkubæjarskóla og Grundaskóli á Akranesi, Heiðarskóla úr Hvalfjarðarsveit, Grunnskóla Borgarfjarðar bæði frá Kleppjárnsreykjum og Varmalandi og Grunnskólanum í Borgarnesi. Úr áttunda bekk tóku 30 nemendur þátt, úr níunda bekk voru 53 keppendur og 23 nemendur úr tíunda bekk. Venja er fyrir því að bjóða 10-12 efstu nemendurnir í hverjum bekk til verðlaunaafhendingar í FVA en vegna COVID-19 veirunnar var ákveðið að aflýsa verðlaunaafhendingunni sem átti að vera á morgun, 14. mars. Þess í stað voru viðurkenningar og verðlaun send í pósti en þrír efstu í hverjum bekk fá verðlaun og 10 efstu fá viðurkenningarskjöl.

Styrktaraðilar keppninnar voru Akraneskaupstaður, Blikksmiðja Guðmundar, Tölvuþjónustan og Landsbankinn.

Verðlaunahafar úr 8. bekk:

Í fyrsta sæti var Marijonas Valdas Varkulevicius úr Grunnskólanum í Borgarnesi.

Í öðru sæti var Ágúst Davíð Steinarsson úr Grunnskólanum í Borgarnesi.

Í þriðja sæti var Nökkvi Snorrason úr Grundaskóla á Akranesi.

Verðlaunahafar í 9. bekk:

Í fyrsta sæti var Mikael Bjarki Ómarsson úr Heiðarskóla í Hvalfjarðarsveit.

Í öðru sæti var Ísak Emil Sveinsson úr Brekkubæjarskóla á Akranesi.

Jöfn í þriðja og fjórða sæti voru Jara Natalía Florence Björnsdóttir úr Grunnskóla Borgarfjarðar á Kleppjárnsreykjum og Daði Már Alfreðsson úr Grundaskóla á Akranesi.

Verðlaunahafar í 10. bekk

Í fyrsta sæti var Díana Dóra Bergman Baldursdóttir úr Grunnskólanum í Borgarnesi.

Í öðru sæti var Stefán Ingi Þorsteinsson úr Auðarskóla í Búðardal.

Jöfn í þriðja og fjórða sæti voru Hólmfríður Erla Ingadóttir og Ólafur Ían Brynjarsson bæði úr Grundaskóla á Akranesi.

Verðlaunahafar í stærðfræðikeppni grunnskólanna