medium

large

thumbnail

1536x1536

2048x2048

small

custom-size

Hafnarfjall Ultra fjallvegahlaupið tókst með ágætum – myndasyrpa og úrslit

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

core/freeform

Norðurál hefur kynnt á markað nýja vörulínu undir merkinu Natur-Al™. „Nú býðst viðskiptavinum fyrirtækisins að kaupa umhverfisvænt ál sem er rekjanlegt frá upphafi til enda framleiðsluferlisins og vottað af óháðum aðilum,“ segir í tilkynningu frá fyrirtækinu.

Natur-Al er íslenskt ál sem hefur eitt lægsta kolefnisspor sem völ er á í heiminum. „Hrein orka, ásamt framúrskarandi stöðugleika í rekstri og ströngum reglum um umhverfismál, gerir Norðuráli kleift að framleiða ál með einstaklega lágt kolefnisspor. Ál undir merkjum Natur-Al hefur kolefnisspor sem er innan við 4t CO2 / t Al, frá öflun báxíts og vinnslu áloxíðs til álvinnslu og flutnings alla leið til kaupanda. Heildarlosun kolefnisígilda við framleiðslu Natur-Al er innan við fjórðungur af meðaltali álframleiðslu í heiminum og samkeppnishæft við það allra besta sem völ er á á heimsmarkaði. Norðurál gerir viðskiptavinum sínum kleift að ganga skrefinu lengra með Natur-Al™ ZERO – hreinu áli sem er kolefnisjafnað að fullu með framlagi til verkefna á borð við endurheimt votlendis og skógrækt.“

Gunnar Guðlaugsson, forstjóri Norðuráls segir nýju vörurnar vera merkan áfanga í rekstri fyrirtækisins: „Eftirspurn eftir umhverfisvænum vörum er í verulegri sókn, eins og allir vita. Við erum að svara þörfum okkar viðskiptavina fyrir hráefni sem er raunverulega eins umhverfisvænt og mögulegt er. Álið okkar á ekki bara að gera vörur fallegri og léttari, heldur viljum við að neytendur viti að þær eru gerðar úr umhverfisvænasta áli sem völ er á í heiminum,“ segir Gunnar.

Natur-Al er ný vörulína frá Norðuráli