medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Snæfell, félag smábátaeigenda á Snæfellsnesi, hefur boðað til fundar um grásleppumál. Fundurinn verður haldinn í Ráðhúsinu í Stykkishólmi síðdegis í dag, fimmtudagin 30. janúar kl. 17:00.

Kristján Þór Júlíusson, sjávarútvegs- og landbúnaðarráðherra, mun sækja fundinn, ávarpa gesti og svara spurningum.

Á fundinum verður farið yfir drög að reglugerð um hrognkelsaveiðar 2020. Sú reglugerð inniheldur m.a. ákvæði um lokun svæða, með það að markmiði að draga úr veiðum á sel sem meðafla. Sömuleiðis verður fjallað um þann möguleika að endurheimta MSC vottun grásleppuveiða, markaðsmál og komandi grásleppuvertíð.

„Þar sem hér er um [að ræða; innsk. blms.] gríðarlegt hagsmunamál fyrir grásleppusjómenn, einstök byggðarlög og grásleppuhrognamarkaðinn er áríðandi að sem flestir mæti á fundinni. Á vertíðinni 2019 var heilarveiði grásleppu um 5.000 tonn, þar af veiddist í Breiðafirði tæpur þriðjungur. Mestu var landað í Stykkishólmi, um 1.000 tonnum,“ segir í frétt um fundinn á vef Stykkishólmsbæjar.

Auk sjávarútvegsráðherra verða frummælendur á fundinum frá Snæfelli, Landssambandi smábátaeigenda, sjávarútvegsráðuneytinu og grásleppukavíarframleiðendum.

Fundað um framtíð grásleppuveiða í Hólminum í kvöld