medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

"Hjartans þakkir kæru Skagamenn,“ eru upphafsorð félaga í Club71 á Akranesi í tilkynningu sem þeir sendu frá sér að loknu þorrablóti Skagamanna síðastliðin laugardag. „Þið eigið heiður skilinn fyrir að mæta á Þorrablót Skagamanna og gera þennan magnaða menningarviðburð jafn stórkostlegan og raun ber vitni. Því án jákvæðra og fjörugra gesta verður engin veisla.“

Eftir tíu ár verða nú breytingar á Þorrablóti Skagamanna. „Hópur úr árgangi ´71 keyrði þessa hugmynd í gang fyrir áratug og hefur haldið utan um málin síðan þá í samvinnu við fjöldann allan af góðu fólki. Umfram allt er að Skagamenn og góðir gestir komi saman, njóti samverunnar og njóti lífsins og það hefur tekist ljómandi vel. Ekki er nú verra þegar allt þetta fer saman í þágu góðra málefna en á þessum tíu árum hafa safnast milli 20 og 30 milljónir króna sem runnið hafa til góðgerða- og íþróttamála á Akranesi.

Félagar í Club 71 vilja þakka kærlega öllum þeim fjölmörgu sem lagt hafa hönd á plóg með okkur til að gera þetta allt að veruleika í gegnum árin en ekki síður þeim sem hafa komið og notið með okkur á blótinu sjálfu - og styrkt þannig gott málefni. Árgangur ´79 tekur nú við boltanum og mun án efa gera það með glæsibrag.“

Club71 sendir þakkir til Skagamanna