Hlutfall erlendra ríkisborgara eftir sveitarfélögum

Þjóðskrá Íslands hefur tekið saman upplýsingar um fjölda erlendra ríkisborgara sem eru með skráða búsetu hér á landi eftir sveitarfélögum. Tölurnar miðast við 1. desember síðastliðinn. Hlutfall erlendra ríkisborgara er afar breytilegt milli sveitarfélaga, eða frá rúmum 44% niður í 1% þó að jafnaði sé hlutfallið um 14% þegar horft er til allra sveitarfélaga í landinu. Hæsta hlutfall erlendra ríkisborgara eru í Mýrdalshreppi eða 44% íbúa hreppsins. Næst hæsta hlutfall erlendra ríkisborgara er í Skaftárhreppi með 33% og Bláskógabyggð með 28%. Þess má geta að það sveitafélag sem er með lægsta hlutfall íbúa með erlent ríkisfang er Svalbarðshreppur en einn íbúi hreppsins er með erlend ríkisfang í hreppnum sem gerir rúmt 1% íbúa.

Þegar horft er til landshluta þá er hæsta hlutfall íbúa með erlend ríkisfang á Suðurnesjum með 24% íbúa og Vestfirðir koma næst með 16% íbúa. Lægsta hlutfall íbúa með erlend ríkisfang er á Norðurlandi eystra eða 8%. Hér á Vesturlandi er hlutfallið nærri landsmeðaltali eða 13%.

Líkar þetta

Fleiri fréttir