medium

large

thumbnail

1536x1536

2048x2048

small

custom-size

Ágæt stemning á Brákarhátíð og Hinsegin hátíð Vesturlands – myndasyrpa

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

Tvöföldun vegar um Kjalarnes ekki boðin út á þessu ári

core/freeform

Erlendur Bogason kafari hefur um langt árabil safnað myndum af sjávarlífverum og hafsbotni. Myndir hans hafa nú verið gerðar aðgengilegar á vefnum sjavarlif.is en þær hafa allar verið teknar neðansjávar við Íslandsstrendur. Í kynningu á verkefninu segir að efnið á vefnum muni nýtast við rannsóknir og fræðslu fyrir sjávarútveg og almenning. Myndefnið flokkast í nokkra flokka og er safn ljósmynda og myndskeiða sem færir lesendum einstaka sýn á veröldina í undirdjúpum við Ísland. Í nánustu framtíð munu fleiri flokkar og tegundir bætast við í neðansjávarmyndasafnið sem er aðgengilegt bæði á íslensku og ensku. Textana skrifaði Hreiðar Þór Valtýsson, lektor í sjávarútvegsfræðum við Háskólann á Akureyri, en Blek ehf. setti upp og hannaði vefinn. Verkefnið er styrkt af Rannsóknarsjóði síldarútvegsins, Fiskifélagi Íslands og Háskólanum á Akureyri.

Í kynningu á vefnum segir: „Hafið er undirstaða lífs á jörðinni og velmegunar íslensks samfélags. Í hafinu í kringum Ísland er fjölbreytt líf dýra og gróðurs, meira en við getum ímyndað okkur. Lífverur hafsins eru okkur framandi en samt svo nálægt okkur, allt í kringum landið.“

Sjávarlíf er einstakur ljósmyndavefur úr undirdjúpunum