Lítið skyggni við vetraraðstæður. Ljósm. úr safni/ kgk.

Gul viðvörun í gildi í dag

Í dag er spáð vaxandi austan- og suðaustanátt og fer að snjóa með morgninum en samtímis hlýnar. Vaxandi norðaustanátt með hríðarveðri norðvestantil á landinu í kvöld, en hægari suðlægur vindur og úrkomuminni víða annars staðar. Hlýnandi veður og hiti 1 til 6 stig með kvöldinu. Á morgun snýst í suðvestan 15-23 m/sek með éljum. Hvassast verður syðst á landinu. Annað kvöld dregur úr vindi og éljum og kólnar á vestanverðu landinu.

Gul viðvörun er fyrir Faxaflóasvæðið til klukkan 21 í kvöld vegna austan- og suðaustan storms. Vindur gæti slegið í 35 m/s á Kjalarnesi, við Hafnarfjall og á Snæfellsnesi. Á Breiðafjarðarsvæðinu er sömuleiðis gul viðvörun vegna norðaustan hríðarveðurs, 15-23 m/sek verða fram undir miðnætti.

Líkar þetta

Fleiri fréttir