Ráðherra kynnir Hálendisþjóðgarð á fundi á morgun í Borgarnesi

Guðmundur Ingi Guðbrandsson umhverfis- og auðlindaráðherra fer á næstu dögum í hringferð um landið og kynnir áform um stofnun Hálendisþjóðgarðs, en frumvarp þar að lútandi er nú til umsagnar í samráðsgátt stjórnvalda. Fundur hér á Vesturlandi verður haldinn á Hótel Hamri í Borgarnesi þriðjudaginn 7. janúar klukkan 13:30. Fundurinn er öllum opinn og allir velkomnir.

„Frumvarp ráðherra tekur til stofnunar þjóðgarðs á miðhálendi Íslands, á landsvæði sem er í sameign þjóðarinnar; þjóðlendum og friðlýstum svæðum innan miðhálendisins. Þetta er í samræmi við tillögur nefndar fulltrúa allra þingflokka og stjórnvalda, bæði ríkis og sveitarfélaga, sem vann að undirbúningi stofnunar þjóðgarðsins. Á fundunum mun ráðherra m.a. fara yfir forsendur og markmið með stofnun Hálendisþjóðgarðs og kynna helstu atriði frumvarpsins,“ segir í tilkynningu frá ráðuneytinu.

Fundaplan ráðherra er sem hér segir:

Þriðjudagurinn 7. janúar

13:30 Borgarnes, Hótel Hamar

17:30 Húnavatnshreppur, Húnavallaskóli

Miðvikudagurinn 8. janúar

11:00 Reykjadalur, Félagsheimilið Breiðumýri

18:00 Egilsstaðir, Hótel Hérað

Fimmtudagurinn 9. janúar

13:00 Öræfi, Hótel Skaftafell í Freysnesi

18:00 Hvolsvöllur, Midgard

Mánudagurinn 13. janúar

17:00 Reykjavík, Veröld – hús Vigdísar, fyrirlestrasalur. Fundurinn verður í beinu streymi á netinu.

Líkar þetta

Fleiri fréttir