medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Á hverju ári gefur sjávarútvegsráðherra út reglugerð um veiðar á grásleppu. Á undanförnum árum hefur ekki verið mikil efnisleg breyting á reglum sem gilt hafa um veiðarnar. Föstudaginn 20. desember síðastliðinn voru sett í samráðsgátt stjórnvalda drög að reglugerð um hrognkelsaveiðar fyrir árið 2020. Í henni felst kúvending á þeim reglum sem grásleppusjómenn við Íslandsstrendur hafa þurft að sæta. Í tilkynningu frá ráðuneytinu segir að breytingarnar séu gerðar til að sporna við meðafla. „Helstu breytingarnar eru afnám svæðaskiptingar, að undanskildum Breiðarfirði, lenging veiðitímabils, vitjunartími styttur, fækkun neta, hert á kröfum um að bátar séu með aflaheimildir fyrir áætluðum meðafla, fellt út ákvæði um að skila veiðiskýrslu og lagt til að Fiskistofa geti sett eftirlitsmann um borð á kostnað útgerðar ef meðafli er óeðlilegur.“

Í reglugerðardrögunum eru helstu breytingar frá gildandi reglugerð eftirfarandi:
<ul>
 	<li>Afnám svæðaskiptingar (að undanskildum innanverðum Breiðafirði).</li>
 	<li>Upphafstími veiða verði 1. mars í stað 20. mars.</li>
 	<li>Áður en veiðiferð hefst skal útgerð sjá til þess að báturinn hafi þær aflaheimildir sem dugi fyrir ætluðum meðafla í veiðiferðinni.</li>
 	<li>Grásleppunet skulu dregin eigi síðar en þremur sólarhringum, í stað fjögurra eins og nú er, eftir að þau eru lögð í sjó.</li>
 	<li>Hámarkslengd neta á hvern bát verði stytt um helming verði 3.750 m í stað 7.500 m.</li>
 	<li>Fiskistofu verði heimilt að svipta bát veiðileyfi ef um óeðlilega veiði á botnfisktegundum að ræða þannig að magn botnfiskstegunda í þorskígildum talið sé ítrekað svipað eða meira en magn grásleppuaflans í þorskígildum talið.</li>
 	<li>Fellt er út ákvæði um skil á veiðiskýrslu.</li>
 	<li>Umsóknarfrestur til grásleppuveiða verður frá 15. janúar - 15. febrúar 2020 og verða umsóknir sem berast eftir þann tíma ekki teknar til greina.</li>
</ul>
Fækka þurfi niður í einn í áhöfn

Grásleppusjómenn eru afar óhressir við þessar breytingartillögur Kristjáns Þórs Júlíussonar sjávarútvegsráðherra og segja að ef af þeim verður gangi þær að atvinnugreininni dauðri. Stjórn smábátafélagsins Sæljóns á Akranesi fordæmir breytingartillögur ráðherra og gengur svo langt að lýsa vantrausti á Kristján Þór Júlíusson. Í ályktun sem félagið sendir frá sér skömmu fyrir áramót segir að mótmælt sé harðlega þeim breytingum sem fram koma í drögum að reglugerð um hrognkelsaveiðar á árinu 2020 sem birt eru á samráðsgátt stjórnvalda. „Breytingar sem koma fram í þessum drögum eru svo íþyngjandi að þær geta leitt til þess að grásleppuveiðar í Faxaflóa og víðar leggjast af. Undirtónninn í þessum aðgerðum/drögum eru gríðarlegt og hert eftirlit, takmörkuð sóknargeta og hámarkslengd neta á hvern bát verði stytt um helming, verði 3.750 m í stað 7.500 m. Ef þessar tillögur hljóta brautargengi verður afkoma grásleppubáta svo léleg að fækka þarf í áhöfnum grásleppubáta, þannig að þeir verða í flestum tilfellum einungis einn maður.“

Lýsa vantrausti á ráðherra

Jóhannes Simonsen formaður Sæljóns segir í samtali við Skessuhorn reglugerðina ekki vera annað en beina aðför að smábátasjómennsku á Íslandi. „Sú síðasta í langri röð aðgerða og tillagna frá sjávarútvegsráðherra og opinberra aðila til þess að veikja smábátaútgerð á Íslandi. Við lítum á þetta útspil sem herfndaraðgerð af hálfu Kristjáns Þórs Júlíussonar vegna andstöðu okkar við kvótasetningu á grásleppu. Við í Sæljóni höfum lagt tillögur til lausnar á vandamálum varðandi meðafla við grásleppuveiðar, að gefa mönnum kost á að gera hlé á veiðum án dagaskerðingar ef um óeðlilegan meðafla er að ræða. Ráðherra hefur ítrekað hafnað þeim tillögum. Við í stjórn Sæljóns, félags smábátaeigenda á Akranesi, lýsum því yfir vantrausti á sjávarútvegsráðherra Íslands Kristján Þór Júlíusson og skorum á LS að gera slíkt hið sama,“ segir Jóhannes.

Lýsa vantrausti á sjávarútvegsráðherra vegna reglugerðar um hrognkelsaveiðar