medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Eins og fram kom í frétt Skessuhorns síðla í nóvember, kvað Héraðsdómur Vesturlandi upp úrskurð í máli íslenska ríkisins gegn landeigendum á Arnarvatnsheiði. Ríkið höfðaði málið og beindi kröfu sinni gegn Sjálfseignarstofnun um Arnarvatnsheiði og Geitlandi annars vegar en hins vegar eigendum Kalmanstungu I og II. Gerði ríkið kröfu um að felldur yrði úr gildi úrskurður óbyggðanefndar nr. 4/2014 þess efnis að Arnarvatnsheiði, Geitland ásamt Langjökli tilheyrði sjálfseignarstofnuninni og landeigendum Kalmanstungu I og II. Þá krafðist ríkið þess jafnframt að viðurkennt yrði fyrir dómi að landsvæðið yrði túlkað sem þjóðlenda. Héraðsdómur Vesturland sýknaði landeigendur af öllum kröfum ríkisins. Málskostnaður var felldur niður og allur gjafsóknarkostnaður stefndu skal greiðast úr ríkissjóði.

Fjármálaráðherra, fyrir hönd Ríkissjóðs, hafði mánuð til að áfrýja dómnum til æðra dómsstigs. Samkvæmt heimildum Skessuhorns nýtti hann sér það ekki fyrir tilskilinn frest 22. desember sl. Dómur héraðsdóms stendur því sem lokaniðurstaða í málinu. Í honum kemur meðal annars fram fram að staðfest er að Eiríksjökull er nú sem fyrr allur í eigu Kalmanstungu I og II og er þannig einn af fáum jöklum hér á landi í einkaeigu.

Fjármálaráðherra áfrýjaði ekki héraðsdómi um Arnarvatnsheiði