medium

large

thumbnail

1536x1536

small

custom-size

Þorsteinsmót var spilað í gær

Minningardagur um fórnarlömb umferðarslysa er í dag

Einar í níunda sæti á HM í kraftlyftingum

2048x2048

Skagamenn í þriðja sæti eftir sigur á Breiðabliki

Skallagrímur sigraði Snæfell í Vesturlandsslag

Leikskólinn Hraunborg flytur á Varmaland

core/freeform

Út er komin bókin Fákar og fólk - svipmyndir úr hestamennsku í 30 ár, eftir Eirík Jónsson ljósmyndara. Eiríkur hóf að mynda hesta fyrir alvöru sumarið 1979 og varð fljótt iðinn við myndatökur á hestamótum. Tók hann þá einkum ljósmyndir fyrir greinar sem hann skrifaði fyrir Vísi og síðar DV, en að auki ritaði hann greinar í ýmis sérblöð og ritstýrði öðrum. Hrossarækt í landinu tók einmitt stórstígum framförum á þeim tíma sem Eiríkur hóf að mynda hross og hefur ræktunin aukist jafnt og þétt fram til dagsins í dag. Grunnur myndasafns Eiríks er því um leið spegilmynd kynbótahrossaþróunar hér á landi.

Aðspurður segir Eiríkur að í ljósmyndasafni hans sé nú að finna um 167.000 myndir frá rúmlega 630 viðburðum tengdum hestamennsku um allt land. Í bókinni eru myndir fyrri ára eingöngu svart-hvítar, frá 1995 til 2003 eru þær í lit á filmum og frá 2004 til 2010 eingöngu stafrænar. Myndir á Eiríkur af langflestum gæðingum, kappreiðahrossum og kynbótahrossum áranna 1979–2009 auk knapa, umsjónarmanna og eigenda hrossanna. Einnig er í safninu talsvert magn af náttúrulífshestamyndum.

373 myndir prýða hina nýju bók Eiríks, svipmyndir úr hestamennsku í 30 ár. Bókin er 256 síður og það er Nýhöfn sem gefur út.

Úrval eins verðmætasta safns íslenskra hestaljósmynda í nýrri bók