Guðrún Sveinbjarnardóttir fornleifafræðingur. Ljósm. bþ.

Reykholt í ljósi fornleifanna er ný bók eftir Guðrúnu

Nýlega kom út bók Snorrastofu: Reykholt í ljósi fornleifanna, eftir Guðrúnu Sveinbjarnardóttur fornleifafræðing, sem leitt hefur fornleifarannsóknir í Reykholti um árabil. Bókin er samantekt og yfirlit á íslensku yfir þessar rannsóknir, en áður hafa komið út bækur á ensku um sama efni báðar eftir Guðrúnu: Reykholt. The Church Excavations (2016) og Reykholt. Archaeological Investigations at a High Status Farm in Western Iceland (2012).

Reykholt í Borgarfirði er meðal mikilvægari sögustaða þjóðarinnar og líklega best þekkt fyrir búsetu Snorra Sturlusonar þar á 13. öld, en frásagnir af henni má meðal annars finna í Sturlungasögu. Staðurinn var þó orðinn stórbýli og kirkjumiðstöð fyrir þann tíma. Skipulegar fornleifarannsóknir voru stundaðar á bæjar- og kirkjustæðinu um árabil í kringum síðustu aldamót. Í þessari bók er greint frá niðurstöðum þessara rannsókna sem höfundur stjórnaði, þar sem koma fram upp lýsingar um búsetu á staðnum og þróun hennar frá upphafi. Leitast er við að setja niður stöðurnar í víðara sam hengi, bæði á Íslandi og annarsstaðar á Norður-Atlantshafssvæðinu.

Guðrún Sveinbjarnardóttir hefur setið í rannsóknarstöðum við Birmingham University, University College London, Þjóðminjasafn Íslands og Snorrastofu, og stundað kennslu við UCL, Háskóla Íslands og Cambridge University. Áður hafa m.a. komið út eftir hana bækurnar Reykholt. Archaeological Investigations at a High Status Farm in Western Ice land (2012) og Reykholt. The Church Excavations (2016).

Bókin fæst hjá Snorrastofu (snorrastofa@snorrastofa.is), Háskólaútgáfunni (ug@hi.is), Bóksölu stúdenta og víðar.

Líkar þetta

Fleiri fréttir