Fjölgað um fjögur varanleg hjúkrunarrými á Höfða

Heilbrigðisráðherra hefur ákveðið að veita Höfða dvalar- og hjúkrunarheimili á Akranesi varanlega rekstrarheimild fyrir fjórum hjúkrunarrýmum sem þar hafa verið rekin tímabundið sem biðrými fyrir Landspítalann. Þessi fjögur biðrými á Höfða voru opnuð árið 2017 og ætluð fólki með gilt færnimat sem tilbúið var til útskrifar af Landspítala en bíður eftir varanlegri búsetu á hjúkrunarheimili. Stjórnendur Höfða og bæjarstjórn Akraneskaupstaðar fóru þess á leit við ráðuneytið að heimila að rýmin fjögur verði hluti af almennum rekstri Höfða, enda aðstaða og mönnun fyrir hendi. Almennum hjúkrunarrýmum á Höfða fjölgar þar með úr 65 í 69 þegar samningur um rekstur biðrýmanna rennur út í mars á næsta ári.

Líkar þetta

Fleiri fréttir