Berglind Rósa er hér lengst til vinstri með Magna Rúnari syni sínum sem var í röðinni að bíða eftir að róa í krakkaróðrinum. Ljósm. tfk.

Barist með Beggu

Crossfit stöðin Box 7 efndi til samróðurs til styrktar Berglindi Rósu Jósepsdóttur sem er 33 ára tveggja barna móðir í Grundarfirði, í sambúð með Sigurbirni Hanssyni. Begga greindist með krabbamein í upphandlegg síðasta sumar og hefur verið í lyfja- og geislameðferðum síðan þá. Forsvarsmenn Box 7 vildu því leggja sitt af mörkum með þessari söfnun.

Upphaflega átti að róa 500 kílómetra og var byrjað af krafti klukkan átta laugardagsmorguninn 23. nóvember síðastliðinn. Fljótlega kom í ljós að eljusemin í ræðurum var það mikil að tekið var á það ráð að hækka kílómetrafjöldann í 800 og seinna um daginn upp í 1000 kílómetra. Mikill fjöldi fólks kom og reri til styrktar Beggu og fjölskyldu og svo voru einnig margir sem komu færandi hendi með veitingar og bakkelsi fyrir ræðara. Blaklið Grundarfjarðar var í keppnisferð á Norðurlandi og lagði sitt af mörkum og réru 25 kílómetra og annarsstaðar á Húsavík réru ættingjar Berglindar, þar á meðal 85 ára gömul amma hennar, 43 kílómetra. Ein róðravélin var fyrir krakka og var róið 49 kílómetra á henni en krakkarnir voru á aldrinum 4 til 12 ára. Einnig voru nokkrir einstaklingar sem voru með sjálfsáskorun en þær Sigurborg Knarran Ólafsdóttir og Freydís Bjarnadóttir réru maraþon eða 42,2 kílómetra. Þá reri Vignir Már Runólfsson 50 kílómetra. Þegar yfir lauk voru kílómetrarnir nákvæmlega 1003 sem er alveg ótrúlegur árangur. Söfnuninni mun ljúka 1. desember næstkomandi og því enn hægt að leggja henni lið.

Hægt er að leggja inn á reikning: 0321 – 13 – 161444. Kt. 250868-4999.

Sjá myndir úr áheitaróðrinum í Skessuhorni sem kom út í dag.

Líkar þetta

Fleiri fréttir

Búist við afgangi frá rekstri

Fjárhagsáætlun Hvalfjarðarsveitar var til síðari umræðu í sveitarstjórn á fundi hennar 26. september síðastliðinn. Áætlað er að rekstrarafgangur samstæðu A... Lesa meira

Óbreyttir stýrivextir

Peningastefnunefnd Seðlabanka Íslands ákvað á miðvikudag að halda vöxtum bankans óbreyttum. Meginvextir bankans, vextir á sjö daga bundnum innlánum, jafnan... Lesa meira