medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Síðastliðinn laugardag var Þorsteinsmótið í tvímenningi í bridds haldið í Grunnskóla Borgarfjarðar á Kleppjárnsreykjum, fyrrum vinnustað kennarans Þorsteins Péturssonar frá Hömrum sem mótið er til minningar um. Metþátttaka var að þessu sinni, en alls voru 42 pör sem tóku þátt. Mótið er silfurstigamót líkt og fyrri ár. Öflugir briddsspilarar mættu og öttu kappi við heimamenn og aðra, en mót þetta er með sterkustu briddsmótum sem haldin eru utan höfuðborgarsvæðisins ár hvert.

Úrslit urðu þau að sunnanmennirnir Gunnlaugur Karlsson og Kjartan Ingvarsson sigruðu með 59,6% skori. Í öðru sæti voru heimamenn í Bridgefélagi Borgarfjarðar, þeir Eyjólfur Kristinn Örnólfsson og Lárus Pétursson með 57,4% skor. Í þriðja sæti urðu Vigfús Vigfússon og Jóhanna Gísladóttir sömuleiðis með 57,4% skori en stigi minna í farteskinu. Úrslit í heild sinni má finna á bridge.is. Auk peningaverðlauna fyrir þrjú efstu sætin á mótinu, voru útdráttarverðlaun sem fyrirtæki í heimabyggð og fleiri gáfu vinninga í. Kvenfélag Reykdæla sá svo um kaffiveitingar og voru spilarar sem blaðamaður ræddi við á einu máli um að margrómað hlaðborð kvenfélagskvenna ætti sinn þátt í góðri mætinu á þetta mót.

[caption id="attachment_33401" align="alignnone" width="600"]<img class="wp-image-33401 size-medium" src="https://skessuhorn.is/wp-content/uploads/2019/11/Þorsteinsmótið-var-spilað-á-laugardaginn_1-600x450.jpg" alt="" width="600" height="450" /> Sigurvegarar í mótinu: F.v. Gunnlaugur Karlsson og Kjartan Ingvarsson hampa hér veglegum farandbikar, en að auki fengu þeir peningaverðlaun. Ljósm. ág.[/caption]

Þorsteinsmótið var spilað á laugardaginn