FFrá undirritun samkomulags vegna náms í jarðvinnu, talið frá vinstri: Hildur Ingvarsdóttir skólameistari Tækniskólans, Lilja Alfreðsdóttir, mennta- og menningarmálaráðherra, Óskar Sigvaldason formaður Félags vinnuvélaeigenda og Sigurður Hannesson framkvæmdastjóri SI.

Samið um nýtt nám í jarðvinnu

Samtök iðnaðarins, Félag vinnuvélaeigenda, Tækniskólinn og mennta- og menningarmálaráðuneytið hafa tekið höndum saman um að koma á laggirnar nýju námi í jarðvinnu í fyrsta sinn hér á landi. Samkomulag þess efnis var undirritað í gær. Markmiðið með samkomulaginu er að koma á formlegu jarðvinnunámi á framhaldsskólastigi sem undirbýr nemendur undir margvísleg störf við jarðvinnu og getur jafnframt verið grunnur frekara náms. Framfarasjóður Samtaka iðnaðarins hefur styrkt verkefnið um fimm milljónir króna.

Jarðvinnuverktakar fá eins og stendur ekki nægilegt hæft fólk til starfa og skortur á nýliðun í faginu er mikið áhyggjuefni. Tilgangur námsins er því að breyta því, stuðla að nýliðun og auka færni og þekkingu þeirra sem vinna eða munu vinna við jarðvinnu, meðal annars með tilliti til öryggis, gæða, skilvirkni og tækninýjunga. Um leið verður faginu gert hærra undir höfði til samræmis við það sem þekkist erlendis.

Líkar þetta

Fleiri fréttir

Unglingalandsmóti frestað

Framkvæmdarnefnd Unglingalandsmóts UMFÍ í samráði við sóttvarnarlæknir og Almannavarnir hafa ákveðið að fresta mótinu sem fara átti fram á Selfossi... Lesa meira

Ýmiskonar ferðamáti

Nýliðin helgi var líklega einhver stærsta ferðahelgi í langan tíma á Snæfellsnesi enda veðurspáin hagstæð og því mikið af ferðalöngum... Lesa meira