Lög um einföldun regluverks til umsagnar í samráðsgátt

Atvinnuvega- og nýsköpunarráðuneytið hefur sett til umsagnar á samráðsgátt stjórnvalda drög að frumvarpi um breytingu á ýmsum lögum til einföldundar regluverks á málefnasviðum ferðamála-, iðnaðar- og nýsköpunarráðherra. Frumvarpið er fyrsti áfangi af þremur í aðgerðaráætlun ráðuneytisins um einföldun regluverks á þessum málefnasviðum sem ráðgert er að standi yfir fram á mitt ár 2021. Með frumvarpinu eru lagðar til breytingar sem fela m.a. í sér að skráningum verslana verði hætt, iðnaðarleyfi og leyfi til sölu notaðra ökutækja verði lögð af, ráðherra fái heimild til að framselja vald til að veita undanþágur á grundvelli laga um samvinnufélög, auk annarra atriða sem horfa til einföldunar. Loks er lagt til í frumvarpinu brottfall 16 úreltra laga sem ekki hafa sérstakt gildi lengur. Óskað er eftir umsögnum um frumvarpsdrögin á samráðsgátt stjórnvalda til miðvikudagsins 23. október.

Líkar þetta

Fleiri fréttir