Rúnar Gíslason.

Tveir Vestlendingar bjóða sig fram til forystu í VG

Landsfundur Vinstri hreyfingarinnar græns framboðs fer fram helgina 18.-20. október næstkomandi. Fram hefur komið að Mýramaðurinn Guðmundur Ingi Guðbrandsson umhverfisráðherra gefur kost á sér í stól varaformanns VG. Nú hefur sveitungi hans, Rúnar Gíslason úr Borgarnesi, ákveðið að gefa kost á sér í embætti gjaldkera flokksins. Tilkynning Rúnars um framboð er svohljóðandi:

„Ég hef ákveðið að bjóða mig fram í embætti gjaldkera VG á komandi landsfundi. Ég hef haft mikla ánægju af að starfa innan VG til þessa og trúi að ég geti komið að frekara gagni. Það er ástæðan fyrir þessari framhkeypni. Síðan ég gekk til liðs við Vinstrihreyfinguna – grænt framboð þá hef ég gengt embætti formanns í mínu svæðisfélagi, setið í stjórn VG á landsvísu og verið í framboði til Alþingiskosninga og sveitastjórnarkosninga ásamt því að hafa sinnt nefndarstörfum í nafni VG. Hvort það hafi verið heillaspor fyrir einhverja aðra en mig sjálfan er ekki mitt að meta, heldur legg ég það í dóm félaga mína einu sinni enn,“ sagði Rúnar.

Líkar þetta

Fleiri fréttir