Dýpkun í gangi. Ljósm. af.

Dýpka Arnarstapahöfn

Í síðustu viku var hafist handa við að dýpka höfnina á Arnarstapa á Snæfellsnesi. Síðast var höfnin dýpkuð fyrir tíu árum, að sögn Björns Arnaldssonar hafnastjóra Snæfellsbæjar. Höfnin verður dýpkuð úr tveimur metrum í þrjá metra og alls um fjögur þúsund rúmmetrar sem verða fluttir úr henni. Það er Haftak ehf í Hafnarfirði sem vinnur verkið og eru verklok áætluð 1. desember nk. Björn segir að smærri línubátar séu orðnir allt að 30 tonn að stærð og hefur verið erfitt fyrir þá að athafna sig í höfninni á fjöru, en nú sé með þessum framkvæmdum komið fyrir það vandamál.

Líkar þetta

Fleiri fréttir