medium

large

thumbnail

1536x1536

2048x2048

small

custom-size

Andlát – Magnús Þór Hafsteinsson

Gistinóttum fjölgaði um þriðjung – mest fjölgun var á Vesturlandi

Fellihýsageymslan er ný fjölskyldubók úr Grundarfirði

Írsk vika hefst á Útgerðinni í kvöld

Sterkar göngur á kvöldflóðinu

Elizabeth Bueckers með þrennu í góðum sigri ÍA

core/freeform

Skólafólk, foreldrar og jafnvel einnig nemendur hafa áhyggjur af að aukin símanotkun dragi úr hæfni til að meðtaka það sem kennt er í skólum landsins. Þeir trufli t.d. einbeitingu og vinnufrið, geti stuðlað að einelti og dragi því úr árangri. Þar sem um þverbak hefur keyrt hefur jafnvel verið brugðið á það ráð að banna notkun farsíma á skólatíma. Í Grunnskólanum í Borgarnesi þurfti að skerpa á reglunum. Á unglingastigi skólans var í síðustu viku samþykkt að nemendur tækju sjálfir þátt í að semja reglur um farsímanotkun.

Inga Margrét Skúladóttir og Birna Hlín Guðjónsdóttir, umsjónarkennarar á unglingastigi, sögðu í samtali við Skessuhorn að samið hafi verið ungmennin um hvernig standa skyldi að því að setja reglurnar. „Ákveðið var að blása til þjóðfundar. Fimm til sex krakkar voru í alls 18 hópum og skiluðu allir hópar 6-8 tillögum. Svo voru hóparnir stækkaðir og þeim fækkað og að endingu voru fjórir hópar sem skiluðu alls átta reglum sem samþykkt var að tækju þegar gildi. Engin regla fór í gegn sem ekki var samþykkt af heildinni. Þannig eru allir sáttir og við förum inn í næstu skólaviku með nýjar reglur og skýran ramma um farsímnotkun nemenda og okkar starfsmanna einnig,“ sögðu þær Inga Margrét og Birna Hlín.

<strong>Farsímareglur GBN eru eftirfarandi:</strong>
<ol>
 	<li>Það er bannað að vera með síma í tíma nema með leyfi kennara.</li>
 	<li>Ef einhver er með síma án leyfis og síminn er tekinn, fær hann símann afhentan í lok tímans. Ef hann er tekinn tvisvar sama daginn þá fær hann símann í lok dags.</li>
 	<li>Það má vera með síma í frímínútum og matartímum, en ekki í matsalnum.</li>
 	<li>Ef nemandi á von á áríðandi símtali fær viðkomandi leyfi hjá kennara til að svara.</li>
 	<li>Það má hlusta á tónlist í tímum með leyfi kennara og þá má vera með heyrnartól.</li>
 	<li>Það er bannað að taka myndir/myndbönd af öðrum án leyfis.</li>
 	<li>Það er bannað að fikta í annarra manna tækjum.</li>
 	<li>Starfsfólk skólans á að fylgja sömu reglum.</li>
</ol>
<em>Reglur samdar af unglingunum í samstarfi við umsjónarkennara 24. september 2019.</em>

Nemendur settu sínar eigin símareglur