Síðdegis í dag hefst íbúaþing á Akranesi sem hefur fengið heitið „Lærdómssamfélagið Akranes.“ Verður það haldið í húsakynnum Fjölbrautaskóla Vesturlands. Á þinginum mun verða fjallað um mennta- og frístundamál í víðasta samhengi og hvað felst í því að búa í lærdómssamfélagi. Boðið verður upp á stutta fyrirlestra, málstofur og í lokin verður farið í umræður í hópum. Fundarstjóri verður Ársæll Már Arnarsson prófessor á menntavísindasviði Háskóla Íslands.

Dagskrá íbúaþingsins er þannig:

17:00 Setning þingsins
17:10 Oddný Sturludóttir aðjunkt á menntavísindasviði HÍ
17:45 Viktor Elvar Viktorsson íbúi, foreldri og fyrrum nemandi
18:00 Málstofur (hver málstofa er í 15 mínútur og velja þátttakendur tvær við skráningu)

Grunnskóli: Framúrskarandi skólaumhverfi – markþjálfun og útikennsla.
Leikskóli: Styrkleikar leikskólanna á Akranesi – staðan og framtíðin.
Frístund: Tómstundamenntun og óformlegt nám.
Tónlistarskóli: Tónlist fyrir alla.
Fjölbrautaskóli Vesturlands: FVA og framtíðin.
Íþróttabandalag Akraness: ÍA og samfélagið.
18:45 Matarhlé. Boðið verður upp á súpu og brauð.
19:15-21:00 Umræður á borðum og samantekt.