medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Annað kvöld, þriðjudaginn 1. október, verður haldinn stofnfundur félags sem lagður hefur verið grunnur að undir heitinu <em>Arfur Þorsteins frá Hamri</em>.  Stofnfundurinn verður haldinn í Iðnó í Reykjavík – í sal á annarri hæð. Húsið verður opnað kl. 19:30. Fundurinn hefst klukkan 20 og stendur í um klukkustund. Fundarstörf verða krydduð með ljóðum skáldsins. Allir eru velkomnir.

Félagið mun standa fyrir viðburðum, einkum á ævislóðum Þorsteins í Borgarfirði og á höfuðborgarsvæðinu. Markmið félagsins er að sýna arfleifð hans ræktarsemi sem og þeim menningararfi sem hann tók í fang sér. Með verkum sínum fann hann og skapaði ótal tengsl á milli hefða og nýsköpunar og með því móti varð hann einn af fremstu nútímahöfundum tungumáls sem á sér merka sögu og stendur nú frammi fyrir miklum áskorunum.

"Ljóðafjársjóður Þorsteins frá Hamri, sem og skáldsögur hans og önnur verk, bera glöggt með sér að hann var einn mestur völundur íslensks máls fyrr og síðar, en jafnframt djarfur könnuður mannlegra gilda og áskorana í lífi einstaklings og samfélags," segir í tilkynningu.

Stofnfundur félagsins Arfur Þorsteins frá Hamri