Leita að strákum í hlutverk í nýrri unglingsmynd

Framleiðslufyrirtækið Join Motion Pictures leitar eftir strákum á aldrinum 13-16 ára fyrir aðalhlutverk í nýrri kvikmynd leikstjórans Guðmunds Arnars Guðmundssonar. Myndin hefur hlotið vinnuheitið Berdreymi og fjallar um hóp unglingstráka í úthverfi Reykjavíkur sem upplifa sig utangarðs og nota ofbeldi til þess að leysa sín deilumál. „Myndin sýnir vináttu þeirra, bæði í sinni fegurð og harðneskju, og hefur einnig undirliggjandi dulrænt þema sem útskýrir nafnið Berdreymi. Guðmundur skrifaði handritið en hann skrifaði og leikstýrði einnig kvikmyndinni Hjartasteinn sem sló rækilega í gegn hér heima og erlendis. Doorway Casting sér um leikaravalið og hveta alla stráka, hvort sem þeir hafa reynslu af leiklist eða ekki, til að senda tölvupóst sem inniheldur skýra portrett mynd, nafn, aldur og hæð, með leyfi forráðamanns, á netfangið casting@doorway.is.

Líkar þetta

Fleiri fréttir