medium

large

thumbnail

1536x1536

2048x2048

small

custom-size

Útskriftarnemar kynntu lokaverkefni sín

Stýrivextir áfram þeir sömu

Bátur fékk í skrúfuna vestur af Akranesi

Metár að baki hjá íslenskri ferðaþjónustu

Miklar framkvæmdir og góð afkoma Snæfellsbæjar á síðasta ári

Nóg fyrir stafni í leikskólanum Uglukletti

core/freeform

Skýrslan „NABO-social inclusion of youth in Iceland“ var birt fyrir skemmstu en þar er gerð grein fyrir félagslegri þátttöku ungmenna á Íslandi. Við gerð hennar var rætt við 38 íslensk ungmenni á aldrinum 18-24 ára með það að markmiði að finna leiðir til að stuðla að aukinni félagslegri þátttöku þeirra. Verkefnið miðar að því að hlusta á ungmenni til að afla þekkingar á því hvernig þau upplifa félagslega aðlögun og möguleika til félagslegrar og pólitískrar þátttöku. Í skýrslunni koma fram sjónarmið 38 ungmenna á aldrinum 18-24 ára. Skýrslan var tekin saman af starfsmönnum Menntavísindastofnunar Háskóla Íslands.

<strong>Að tilheyra samfélaginu</strong>

Eftir vinnu með rýnihópum gefa niðurstöðurnar til kynna að ungmenn upplifi mismunun vegna ungs aldurs og skorts á áhuga og möguleikum til að hafa áhrif á stærri pólitísk úrlausnarefni. Þau upplifa vanda við að komast í eigið húsnæði og skort á húsnæði á viðráðanlegu verði. Einnig ræddu þau um fjárhagsstöðu sína, geðheilbrigðisvanda og skort á áreiðanlegum og tiltækum almenningssamgöngum. Þau bentu jafnframt á að félagslegur stuðningur og tilfinning um að tilheyra samfélaginu væru þættir sem þau teldu mikilvæga til að auka félagslega þátttöku.

<strong>Tillögur til að efla félagslega þátttöku</strong>

Í lok skýrslunnar eru settar fram tillögur, byggðar á svörum ungmennanna, sem gætu eflt félagslega þátttöku ungmenna á Íslandi. Má þar nefna:
<ul>
 	<li>Fyrirbyggjandi aðgerðir til að taka á því sem hefur neikvæð áhrif á líf ungmenna á Íslandi í dag. Svo sem að auka fræðslu um mismunandi tegundir fíknar og um andlega vanlíðan. Fagaðilar og fólk sem hefur sjálft reynslu af að takast á við slíkan vanda gæti haldið fyrirlestra í skólum um þessi mál.</li>
 	<li>Auðvelda aðgengi að sálfræðiþjónustu fyrir ungmenni.</li>
 	<li>Fordómar og óþol eru samtengd fyrirbæri og hafa áhrif á ungmenni. Þá staðreynd þarf að viðurkenna. Vinna þarf gegn fordómum og óþoli í samfélaginu öllu.</li>
 	<li>Skapa aðstæður fyrir ungt fólk til að taka þátt í og hafa áhrif á ákvarðanir í nærsamfélaginu. Til dæmis að geta tekið þátt í og haft áhrif á umræðu um húsnæðismál, almenningssamgöngur og frístundastarf. Ákvarðanir sem snerta ungt fólk ættu að byggjast á þekkingu ungs fólks.</li>
 	<li>Fylgjast með lífskjörum hópa ungs fólks sem við vitum að þurfa sérstakan stuðning samfélagsins. Til dæmis LGBTQ fólk, innflytjendur, ungt fólk með geðraskanir og ungt fólk með fötlun.</li>
</ul>

Tillögur um hvernig auka megi félagsþátttöku ungmenna