Ráðherra kynnir hugmyndir varðandi Sundabraut

Ríkið og sveitarfélög á höfuðborgarsvæðinu eiga nú í viðræðum vegna væntanlegrar Sundabrautar. Sigurður Ingi Jóhannsson samgönguráðherra segir frá málinu á Facebook síðu sínni. „Nokkrir möguleikar koma til greina um hvar og hvernig best sé að leggja hana [Sundabraut] og hvernig megi auðvelda umferð á milli miðborgar og Grafarvogs, létta á umferð á höfuðborgarsvæðinu og stytta leiðir út á land. Tveir valkostir eru einkum taldir koma til greina. Annars vegar jarðgöng í Gufunes, sem miðast við núgildandi skipulag, og hins vegar lágbrú yfir Kleppsvík yfir á Holtaveg sem kallar á breytt skipulag á hafnarstarfsemi. Ég hef áður sagt að lágbrú yfir Kleppsvík sé fýsilegri kostur en jarðgöng. Bæði er hún ódýrari, henti fyrir alla samgöngumáta, þ.e. bílandi, almenningssamgöngur, gangangi og hjólandi,“ skrifar Sigurður Ingi.

Varðandi síðari áfanga segir hann að Sundabraut muni ná frá Gufunesi um Geldinganes, yfir Leiruvog, Gunnunes, Álfsnes og Kollafjörð að tengingu við Vesturlandsveg. „Næstu skref snúa að frekari viðræðum við Faxaflóahafnir og skipulagsyfirvöld í borginni,“ skrifar ráðherrann.

Líkar þetta

Fleiri fréttir