medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Bæjarstjórn Akraneskaupstaðar samþykkti á fundi sínum í gær ósk Gerðar Jóhönnu Jóhannsdóttur, bæjarfulltrúa Samfylkingarinnar, um sex vikna tímabundið leyfi frá störfum við bæjarstjórn af persónulegum ástæðum. Leyfið er veitt fyrir tímabilið 9. september til 22. október. Nýtt kjörbréf hefur verið gefið út til handa varabæjarfulltrúanum Kristni Halli Sveinssyni 1. varabæjarfulltrúa Samfylkingarinnar. Kristinn Hallur tekur auk sætis í bæjarstjórn við nefndarformennsku í velferðar- og mannréttindaráði og tekur sæti í skipulags- og umhverfisráði. Valgarður Lyngdal Jónsson tekur tímabundið við sæti í bæjarráði.

<strong>Harma þung orð sem féllu</strong>

Fulltrúar Samfylkingar og Framsóknar og frjálsra í meirihluta bæjarráðs lögðu fram eftirfarandi bókun: „Á fundi bæjarstjórnar þann 27. ágúst síðastliðinn féllu orð úr ræðustóli sem betur hefðu aldrei verið sögð. Bæjarfulltrúar Samfylkingar og Framsóknar og frjálsra harma þetta og taka ekki undir þau orð sem þar féllu í garð bæjarfulltrúa Rakelar Óskarsdóttur. Það kom á óvart að umræður á fundinum skyldu þróast í þá átt sem þær gerðu, enda eru bæjarfulltrúar í bæjarstjórn Akraness, hvort sem þeir eru í meirihluta eða minnihluta, vanir því að vinna vel saman og vera málefnalegir í umræðum. Bæjarfulltrúar Samfylkingar og Framsóknar og frjálsra vilja taka fram að þeir bera fullt traust til bæjarfulltrúa Rakelar Óskarsdóttur og vona að þetta mál varpi ekki skugga á áframhaldandi samstarf meirihluta og minnihluta í bæjarstjórn. Við erum öll mannleg og getur orðið á, en allir eiga skilið að fá annað tækifæri. Gerður Jóhanna hefur sinnt störfum sínum sem bæjarfulltrúi og formaður velferðar- og mannréttindaráðs af mikilli alúð og staðið sig með prýði og berum við fullt traust til hennar ákveði hún að koma til starfa að nýju að loknu leyfi.“

<strong>Kallar á endurskoðun siðareglna</strong>

Sömuleiðis lagði minnihlutinn fram bókun: „Bæjarfulltrúar Sjálfstæðisflokksins harma mjög þá hegðun og þau orð sem bæjarfulltrúi Gerður Jóhanna Jóhannsdóttir viðhafði og lét falla í ræðustól á bæjarstjórnarfundi þann 27. ágúst sl. í garð annars bæjarfulltrúa. Ummælin voru ekki í þeim anda samstarfs sem bæjarfulltrúar á Akranesi hafa jafnan viðhaft og rýra án efa traust almennings á kjörnum fulltrúum. Það er þó hvers bæjarfulltrúa fyrir sig að ákveða með hvaða hætti hann axlar ábyrgð á gjörðum sínum. Upphlaup sem þetta kallar hins vegar, að mati undirritaðra, á endurskoðun á siðareglum kjörinna fulltrúa. Bæjarfulltrúar Sjálfstæðisflokksins fagna traustsyfirlýsingu bæjarfulltrúa meirihlutans til handa bæjarfulltrúa Rakel Óskarsdóttur sem er skref í átt að endurheimt trausts og áframhaldandi góðu samstarfi allra bæjarfulltrúa í bæjarstjórn Akraness.“

Bæjarfulltrúi í sex vikna leyfi