medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

<em>Uppfærð frétt klukkan 16:17:</em>

Northern Challenge, árleg æfing sprengjusérfræðinga, hófst á öryggissvæðinu á Keflavíkurflugvelli á sunnudag og stendur fram í næstu viku. Um er að ræða alþjóðlega æfingu Atlantshafsbandalagsins sem Landhelgisgæslan hefur veg og vanda af. Hún fer að stærstum hluta fram á starfssvæði Landhelgisgæslunnar á Keflavíkurflugvelli en jafnframt á hafnarsvæðum víðs vegar við Suðurnesin. <em>Í frétt hér á vefnum síðdegis í dag var missagt að umferð þyrlu og varðskipa úti fyrir Akranesi væri hluti af heræfingunni við Reykjanes. Um var að ræða aðra æfingu Landhelgisgæslunnar þar sem sviðsett var leit að týndum kajakræðara.  Tilviljun réði að sú æfing fór fram á sama tíma og heræfingin sem Landhelgisgæslan stýrir einnig. Beðist er velvirðingar á þessum misskilingi blaðamanns, sem birtist í þessari frétt í upphaflegri útgáfu hér á vefnum.</em>

Þetta mun vera í átjánda sinn sem æfingin Northern Challange er haldin hér á landi, samkvæmt upplýsingum frá Landhelgisgæslunni. „Markmið æfingarinnar er að æfa viðbrögð við hryðjuverkum þar sem heimatilbúnum sprengjum hefur verið komið fyrir. Verkefni sprengjusérfræðinganna er að leysa slíkan vanda. Samskonar búnaður og fundist hefur víðs vegar um heim er útbúinn og aðstæður hafðar eins raunverulegar og kostur er. Æfingin fer fram við fjölbreyttar aðstæður, t.d. á flugvelli, í höfnum, í skipi og við bryggju. Sérhæfð stjórnstöð er jafnframt virkjuð þar sem öll uppsetning og vinnubrögð eru samkvæmt alþjóðlegum ferlum Atlantshafsbandalagsins,“ segir í frétt Landhelgisgæslunnar. „Æfingin veitir sprengjusérfræðingum, sem koma hvaðanæva að úr heiminum, einstakt tækifæri til að samhæfa aðgerðir auk þess að miðla reynslu og þekkingu sinni til annarra liða. Northern Challenge hefur notið mikilla vinsælda á undanförnum árum og hefur skipað sér sess sem ein mikilvægasta æfing sprengjusérfræðinga í Evrópu. Að þessu sinni eru þátttakendurnir frá 17 þjóðum og alls eru 27 lið skráð til leiks. Þeir sem koma lengst að eru frá Nýja-Sjálandi en að æfingunni koma hátt í 300 manns.“

Alþjóðleg æfing sprengjusérfræðinga á og við Reykjanes