Fjórir sækja um stöðu skólameistara FVA

Umsóknarfrestur um embætti skólameistara Fjölbrautaskóla Vesturlands á Akranesi rann út 1. september síðastliðinn. Mennta- og menningarmálaráðuneyti bárust fjórar umsóknir um embættið. Umsækjendur eru: Ágústa Elín Ingþórsdóttir skólameistari, Steinunn Inga Óttarsdóttir sérfræðingur hjá Félagi framhaldsskólakennara, Steingrímur Benediktsson framhaldsskólakennari og Þorbjörg Ragnarsdóttir aðstoðarskólameistari.

„Miðað er við að mennta- og menningarmálaráðherra skipi í embættið til fimm ára frá og með 1. janúar 2020, sbr. 6. gr. laga um framhaldsskóla, nr. 90/2008 og laga um réttindi og skyldur starfsmanna ríkisins, nr. 70/1996,“ segir í tilkynningu frá ráðuneytinu.

Líkar þetta

Fleiri fréttir