Bandaríska ferðatímaritið Condé Nast tók nýverið saman lista yfir 16 bestu afþreyingarmöguleikana á Íslandi að mati blaðsins. Greinin ber heitið „The Best Things to Do in Iceland: Our Definitive List“. Þar er meðal annars mælt með Vatnshelli á Snæfellsnesi og Bjarteyjarsandi í Hvalfirði, sem greinarhöfundur telur meðal allra bestu áfangastaða landsins.

Í kaflanum um Bjarteyjarsand mælir tímaritið með því að gestir heimsæki Ísland frá miðjum maí og fram í miðjan september, þá megi sjá sauðkindur á ferli um allt land. Til að fræðast nánar um sauðfjárbúskapinn og hlut hans í landbúnaði landsins mælir Condé Nast með heimsókn á Bjarteyjarsand. „Þetta fjölskyldubú er aðeins í klukkustundar akstursfjarlægð frá Reykjavík og er vinsæll áfangastaður í vettfangsferðum skóla. Að því sögðu mun fullorðið fólk einnig njóta þess að heimsækja dýrin og fræðast um hvernig hugsað er um hvert og eitt, frá hestum og kindum til kanína og svína,“ segir í Condé Nast, í lauslegri þýðingu.

Um Vatnshelli á Snæfellsnesi segir í tímaritinu að hann þurfi að heimsækja með leiðsögn, þar sem hæglega sé hægt að villast ofan í honum. „Þessi átta þúsund ára gamli hellir er þekktur fyrir litskrúðuga hellisveggi sína,“ segir í tímaritinu. „Staðsetning hans er sérstaklega glæsileg, þar sem hann er á Snæfellsnesinu, þar sem má svo margt annað er þess virði að skoða líka; Búðakirkju, hina mögnuðu svartmáluðu kirkju, Ytri-Tungu, strönd sem er full af selum, Rauðfeldargja, djúpa gjá sem má ganga inn um og hinn aðlaðandi sjávarbæ Stykkishólm.“

Geitur og gæs bjóða gesti velkna á Bjarteyjarsand. Ljósm. úr safni.

Vatnshellir og Bjarteyjarsandur meðal bestu áfangastaða landsins